Stáda luonddubearráigeahčču(SNO) lea váidán guokte nuorra dievddu, guovttelot jahkásačča ja golmmatlot jahkásačča. SNO lea váidán sudno lobiheamet bivdán čáhcelottiid Áidejávrri guovllus, Guovdageainnu suohkanis. Dán dieđihedje Finnmárkku politiijat Twitteris odne. Guovdageainnu leansmánnekantuvra dutkagoahtá ášši.

Sámediggi ja Dásseárvo- ja vealahanáššiid áittardeaddji bovdii gulahallančoahkkimii Sámediggái Kárášjohkii. Áššin lea veahkaváldi ja illasteapmi. Dan čállá Sámediggi iežas neahttasiiddus. Norggas váilu nationála ja ollislaš doaibmaplána mo eastadit veahkaválddi ja illasteami geavvamis lagas olbmuid gaskkas. Danne leat sii dáppe oččodeamen buriid jurdagiid, ahte maid lea dehálaš oažžut mielde dákkár doaibmaplánii, lohká Dásseárvo- ja vealahanáššiid áittardeaddji seniorráđđeaddi Maj-Christel Skramstad.

Geavaheaddjiráđđi lohká geavaheaddjiid sáhttit gáibidit Huawei-fitnodaga hatti luoitit dahje máksit ruovttoluotta jos ii fála sihkarvuođa ođasmahttimiid. Geavaheaddjiráđđi lohká váilevašvuohtan go eai datte sáhte fállat dan maid olmmoš lea máksán. Dan dieđiha NTB.

Norggas leat oktiibuot 65 mánáidgárddi mat fállet sámegiela. 2016:s ledje 59. Dán čájeha sámediggedieđáhus sámi mánáidgárdefálaldaga birra. 2016:s ožžo oktiibuot 758 máná fálaldaga, ja lohku lea lassánan. 2018:s ožžo 914 máná sámefálaldaga.

Avinor ii leat vel galben girdišiljuid vaikko diimmá giđa jo lohke áigut dahkan dan. Avinora gulahallanhoavda Gurli Høeg Ulverud lohká sámegiel galbbaid bidjat dalle go ođasmahttet eará galbbaid. Avinor lea geatnegahtton bidjat sámegiel galbbaid guđa iešguđetge girdinšilljui, earet eará Álttá ja Leavnnja girdišiljuide.

ARTIKKEL

Avinor lovet å sette opp samiske og kvenske skilt på flyplasser – nå er planene utsatt

Selskapet Grenselandet AS har lagt bort planene om å bygge en ny kraftledning fra den planlagte vindparken nord for fjellet Rástegáisá i Tana og videre til Finland. Årsaken er at Statnett vil forlenge 420 kV nettet fra Skaidi til Varangerbotn. Grenselandet AS satser på å knytte seg til denne linjen.

Norgga justiisaministtar Joran Kallmyr fitná otne Finnmárkku bolesguovllus. Son háliida oaidnit Stuorravuovddi ja gullat eambbo bolesguvllu birra. Kallmyr ja su joavku fitnet maiddái easkarahppon Mánáidviesus Girkonjárggas.

– Vold i de samiske samfunn bremser utviklingen av de samiske samfunn og levesett, sier sametingsrådet i innstillingen om årsmeldingen til Norges nasjonale institusjon for menneskerettigheter. – Arbeidet mot vold er et overordnet mål for Sametinget, sier rådet. Årsmeldingen skal behandles i plenum i juni.

Girkonjárgga joatkaskuvlaoahppi guovttos Emilie M. Biti-Jessen ja Pia Kristine L. Wickstrøm leaba beassan «Holbergprisen i skolen»-loahppagilvui. Dát lea nuoraid várás dutkangilvu. Soai leaba čállán vuoiŋŋalašvuođa birra ja mo dát doaibmá ođđaáiggis, čállá iFinnmark.no

Fred Buljo siessá Sara Biret Ellen Buljo ja su oambealli Line Cecilie Buljo leigga nu gealdagasas ahte lei váttis čilget makkár dovddut badjánedje go sudno fuolki lávkii Eurovision-finála lávdái. – Dat lea nu váttis čilget maid mun dovddan dál. Mun lean nu rámis, dadjá Line Cecilie. Lagabui čuođi olbmo čoahkkanedje Báktehárjji lágideapmái maid Guovdageainnu eaktodáhtolašguovddáš lágidii.