Hopp til innhold

Dán jagáš festiválageassi Sámis

Viimmat lea fas geassi! Illudat go festiválaid čuovvut? Dás gávnnat dán geasi festiválaid Sámis.

Strålende fornøyde!

GASKAIJABEAIVVÁŠ: Buorre mokta Midnattsrocken festiválas 2022s.

Foto: Elle Gaup-johansen / NRK

Les på norsk.

Festiválageassi lea juoga masa olusat illudit juohke jagi. Sámi guovlluin lágiduvvojit ollu festiválat geasi mielde, sihke Sámi- ja eará festiválat.

Geassemánnu

Vårlydfestivála - Leavnnjas, geassemánu 14.-15.b

Vuosttaš historjjás! Festivála čohkke guovllu musihkkabirrasa šuoŋaide, ritmmaide ja searvevuhtii. Doppe beasat gullat earet eará Moped, Boots and Comags, Loverboys ja Vilda Boját.

Sarahkka - Eidsfoss, geassemánu 14.-15.b

Sámi eamiálbmotfestivála, gos leat sihke musihkka, workshops, gávppit, ekologalaš biepmu, muitalusat, seminárat, guoimmuhallamat ja logaldallamat. Lea gárrenmirkkohis lágideapmi mii heive bures olles bearrašii.

Ankarede - Jiemties, Ruoŧas, geassemánu 20.-23.b

Festivála gos risttalaš árbevierut leaŧ guovddážis mii lágiduvvo juohke jagi Mihcamárat vahahkkoloahpa. 2019s doaluin lei 100 jagi ávvudeapmi.

Bli med på innsiden av middsommerfeiringen i Ankarede i Jämtland, Sverige.

Riedjafestivála - Romssas, geassemánu 22.-23.b

Festivála mánáide gaskal 3 ja 12 jagi! Doppe gávnnat kultuvrralaš ovdanbuktima musihkain, lávdedáidagiin, dáidagiin, filmmaiguin ja máinnastemiin. Lea maid sihke valáštallan ja stoahkan.

Festspillene i Nord-NorgeHársttáin, geassemánu 22.-29.b

Festivála bovde 60 jagi ávvudeapmái mii álgá beaivvi ovdal go láve! Doppe lea sihke musihkka, dáidda, kultuvra, ja doalut sihke mánáide ja ollesolbmuide.

Mis lea rámálmas festiválavahkku vuordámis! Šaddet nugo dábálaččat stuorra musihkačájálmasat, ja mis lea dievva mánáidprográmma, debáhtta, ja dáiddačájálmas, muitala Festspilldirektevra, Ragnheiður Skúladóttir NRK:i.

ChrisfestiválaGilivuonas, geassemánu 26.-29.b

Unna festivála mii lea šaddan jahkkálaš čoahkkananbáiki Gilivuonas. Doppe beasat gullat earet eará Kjøllefjord Storband, Julie Alpenes, Nora Legrand, ja Petter Aagard & Housequake.

Riddu Riđđu

RIDDU RIĐĐU: Ollu olbmot čoahkkanan konsertii.

Foto: Riddu / Riddu

Gironfestivála – Gironis, geassemánu 27.-29.b

Festivála lea lágiduvvon 2000 rájes, ja lea dál Girona stuorámus kultuvra- ja musihkkadoalut. Doppe čuojahit earet eará Aqua, Carola, Ingá Máiiá Blind, KEiiNO ja Sámi Goarra.

Beskán Luossarock - Kárášjogas, geassemánu 28.-29.b

Beskán Luossarock lea buot jagiid lágiduvvon Beskenjárggas, Kárášjoga siste, muhto dán jagi leat sirdán márkanii. Doppe beasat gullat earet eará Sančuari, Bernt Mikkel Haglund ja juoigit, Beyond Rivers, ja maid árbevirolaš juigiid. Dán jagi lea maid mánáid- ja nuoraid prográmma bearjadaga.

Snoase Game Fair - Snoases, geassemánu 28.-30.b

Albma meahccefestivála Snoasas! Leat čájáhusat, meassut, guollebivdu, ja doaimmat juohke ahkásaččaide beaivet. Eahkedis šaddá leaktu muhtin Norgga stuorámus musihkkajoavkkuin! Doppe beasat gullat earet eará Staysman ja Hagle.

Meidnet go festiválaide dán geasi?

Suoidnemánnu

Alperocken - Ákšovuonas, suoidnemánu 5.-6.b

Alperockenis leat sámi doalut beaivit mat heivejit bearrašiidda, ja konsearttat eahketbeallai, gos beasat gullat earet eará HP Electric Dream, Elle Maija, Rolffa, ja Stage Dolls.

Midnattsrocken - Porsáŋggus, suoidnemánu 12.-13.b

Midnattsrocken lea máilmmi davimus festivála mii lágiduvvo olgun ja dán jagi ávvudit 40-jagi. Doppe beasat gullat earet eará CC Cowboys, Kvelertak, Ramon, Rolffa, ja Inge Bremnes.

Mii fállat vuosttaš geardde nuvttá campinga, buori movtta dihte ja vai deavdit campa tealttáin ja vovnnain. Mii rahpat dii 12 sihke bearjadaga ja lávvardaga, ollu árat go ovdal. Lávvardaga mis lea boddu gos boares Midnattsrockárat muitalit muitalusaid 40 jagi festiválain, muitala festiválahoavda, Tarjei Leinan Mathiesen NRK:i.

Publikum under Matomas konsert.

MOKTA: Ollu olbmot ja buorre mokta Matoma konsearttas Midnattsrockenis 2022s.

Foto: Elle Gaup-johansen / NRK

Riddu Riđđu - Olmmáivákkis, suoidnemánu 10.-13.b

Internationála eamiálbmot festivála mii lágiduvvo juohke geasi. Doppe leat sihke seminárat, dáidda, giehtaduodjekurssat, čájálmasat ja konsearttat. Dán jagi čuojahit earet eará Gabba, Namgar, Ella Marie, Emil Kárlsen, ja Mari Boine.

KokelvLive – Goavkejogas, suoidnemánu 12.-13.b

Festivála ásahuvvui ulbmilin cahkkehit eallima Goavkejogas ja rekrutteret sisafárrejeddjiid. Doppe čuojahit earet eará Halvdan Sivertsen, Kurt Nilsen, Moillrock ja Mortel Abel. Lávvardaga lea maid bearaškonseartta Moillrockain.

Lubna Jaffrey åpnet Riddu Riđđu.

EAMIÁLBMOT FESTIVÁLA: Riddu Riđđu lea šaddan dehálaš oassi sámi kultuvrra nannejumis mearrasámi guovlluin.

Foto: Inga Maret Solberg Åhren / NRK

Kalix Sommerkalas - Gáidnahis, suoidnemánu 15.-21-b

Vahkku leat ollu doaimmat sihke mánáide ja olleolbmuide miehtá gieldda. Šaddá tivoliija, nuvttá čájálmasat main mánát guovddážis, ja nuvttá konsearttat ollesolbmuide. Doppe čuojaha earet eará Maxida Märak.

Pomorfestivála - Várggáin, suoidnemánu 24.-28.b

Jahkásaš kulturfestivála Várggáin. Doppe leat sihke konsearttat, čájálmasat ja doalut sihke mánáide, nuoraide ja ollesolbmuide. Lohpidit álbmotfeastta ja buori miela!

Márkomeannu - Gállogiettis, suoidnemánu 25.-28.b

Sámi festivála gos gávnnat sihke musihka, dáidagiid, semináraid, valáštallama, márkaniid, ja mánáid ja nuoraid prográmmaid. Dán jagi čuojahit earet eará KEiiNO, Moddi + Kajsa Balto, Elle Maija, Gabba, ja Lávre.

– 25 jagi ávvudeami oktavuođas mii bovdet nuvttá doaluide Gállogiettis, duorastaga suoidnemánu 25.beaivvi! Mii sávvat buohkaide váimmolaš bures boahtima ávvudeapmái, muitala festiválahoavda, Ane Margrethe Ugelvik NRK:i.

markomeannu-riotgahpagat-290723

PUNK: Riot Gáhpagat konsearta Márkomeannus 2023s.

Foto: Solveig Norberg / NRK

Sørøyrocken - Márregobis, suoidnemánu 25.-27.b

Sørøyrocken lea musihkkafestivála Márregobis, Sállanis. Doppe čuojahit dán jagi earet eará Moillrock, Han Helge & Han Håkon, MinTrio, Felgen Orkester, Agnete Saba, ja Timbuktu.

Buođggátfestivála – Buođggáhis, suoidnemánu 25.-27.b

Festiválas Buođggáhis lea sihke musihkka, mánáidstohkosat, oaggungilvu, borramuš, ja eará doalut. Dán jagi beasat doppe gullat earát eará Superfly, El Papi, Pil og Bue, ja Coctail Slippers.

Galle festiválain áiggut fitnat?

Borgemánnu

Urkultfestivála – Näsåkeris, Ruoŧas, borgemánu 1.-3.b

Festivála gos olbmot, musihkka ja kultuvra iešguđet sajiin máilmmis deaivvadit. Doppe leat iešguđetlágan doalut, mánáid teahter, kurssat, ja giehtaduodji. Doppe čuojaha earet eará Lars-Ante Kuhmunen.

Gorosofestivála – Ráissas, borgemánu 2.-3.b

Festivála lágiduvvui vuosttaš geardde 2019s. Dán jagi beasat gullat earet eará Stavangerkameratene, Ballinciaga, Carina Dahl, Vassendgutan, Felgen Orkester, ja Morgan Sulele.

Konsert med Kevin Boine på Ijahis Idja

IJAHIS IDJA: Kevin Boine ráhkadii buori «showa» go čuojahii Ijahis Ijas 2018s.

Foto: Dragan Cubrilo / NRK

Várjjatfestivála – Čáhcesullos, borgemánu 7.-10.b

Ovtta Finnmárkku stuorámus ja Norgga boarráseamos festiválain, gos dán jagi beasat gullat earet eará Åge & Sambandet, Sivet Høyem, Vinni, Ingebjørg Bratland & Odd Nordstoga, ja Rolffa.

Ijahis Idja – Anáris, Suomas, borgemánu 16.-17.b

Festivála lea 2004 rájes ávvudan eamiálbmogiid musihka ja lea áidna musihkkafestivála Suomas mii guovdilastá sámi musihka. Doppe beassat gullat earet eará Mari Boine ja Násttážat.

Alta Live - Álttás, borgemánu 16.-17.b

Álttás beasat gullat earet eará Bjørn Eidsvåg, Elle Maija, Highasakite, Rolffa, Postgirobygget, Emelie Hollow, ja Sondre Justad. Duorastaga lea maid nuoraidkonsearta ja lávvardaga beaivit ges doalut mánáide.

Sondre Justad på Alta Live

ALTA LIVE: Sondre Justad lea ovdal čuojahan Alta Live:s, ja dán jagi maid beassat su doppe gullat.

Foto: Dánil Røkke

Rakettnatt – Romssas, borgemánu 22.-24.b

Davvi-Norgga stuorámus musihkkafestivála gos gávnnat sihke musihka, dáidaga, borramuša ja buori miela. Doppe beasat gullat earet eará Zara Larsson, Tiesto, Dagny, Beathoven, Undergrunn ja Gabrielle.

Høstsprell - Álttás, borgemánu 23.-25.b

Festivála gávnnat 5 kilomehtera olggobeal Álttá, Šuovošluovttas. Lohpidit buori musihka ja movtta, ja doppe beasat dán jagi gullat earet eará Kurt Nilsen, Stage Dolls, Carina Dahl ja Rotlaus.

Hei!

Leat go dus jurdagat ášši birra maid leat lohkan, dahje tipsat eará festiválaide Sámis dán geasi? Áinnas sádde munnje dieđu! 

Korte nyheter