Senterpartiet vil bringe tilbake 20 av lensmannskontora som på landsbasis blei lagt ned med politireforma. Det foreslår partiet når dei legg fram sitt alternative budsjett tysdag, ifølge Nationen. 126 lensmannskontor blei lagt ned som ein følge av politireforma.
Jørgine «Funkygine» Massa Vasstrand frå Ålesund tok 2.-plassen under finalen av årets «Skal vi danse» i går kveld. Ho blei slått på målstreken av svømmer Aleksander Hetland, men fekk full pott av dommarane i alle dei tre dansane for kvelden.
Ein bilførar i Molde blei stoppa for kontroll seint i går kveld. Personen blir meldt for køyring utan gyldig førarkort.
Ein person blei tatt med inn til arresten etter eit basketak i Ålesund sentrum i natt. Litt seinare på natta blei også ein annan person tatt med inn til arresten i same by etter eit slagsmål i sentrum. Like før klokka 02.00 blei også to personar vist vekk frå sentrum på grunn av aggressiv åtferd.
Ein bilførar blei stoppa av politiet i indre bydel i Ålesund seint i går kveld. Føraren av bilen er mistenkt for køyring i ruspåverka tilstand og blei tatt med til prøvetaking. Sak blir oppretta av politiet.
Eliteserielaget til KFUM Volda i volleyball for kvinner tok tre viktige poeng då NTNUI vart slått 3–0 i sett i Voldahallen laurdag. Volda-laget hadde god kontroll gjennom heile kampen og vann med settsiffera 25-16, 25–19 og 25–19. Etter fem seriekampar er Volda på 3.-plass på tabellen med 10 poeng, bak Randaberg og Koll. På bildet ser vi KFUM Volda i blå drakter i angrep.
