NRK Møre og Romsdal – Lokale nyheter, TV og radio

Tunnel var stengt på grunn av bilstans

Eiksundtunnelen på Sunnmøre var stengt i ei kort periode fordi ein bil hadde fått motorstopp inne i tunnelen. Kort tid etter at politiet melde om stenginga, kom det ei oppdatering om at bilen hadde kome seg ut av tunnelen for eiga hjelp og at tunnelen ville bli opna igjen.

Brann i pallar i Brattvåg

Det har vore ein brann i nokre pallar nær eit industribygg på Helland i Brattvåg. Politiet melder at folk på staden driv med sløkking og at brannvesenet også er på staden. Dei skal ha fått kontroll på brannen. Brannen skal ha ført til mindre skader på bygget.

Har forlenga med KBK

Assistenttrenar i Kristiansund Ballklubb, Sander Håskjold Nyland, har skrive under på ei ny kontakt med klubben. Denne varer ut 2026-sesongen, melder klubben.

Håskjold Nyland kom til KBK i 2020.

– Det kjennast veldig bra. Eg er på ein fin plass og trivast veldig godt i KBK, noko eg har gjort sidan eg kom hit. Eg liker meg godt saman med hovudtrenar Amund Skiri og dei andre i teamet. Det er ei veldig fin spelargruppe og eg har trua på det vi driv med her, seier han.

Har starta opp med Helseplattforma

Natt til laurdag blei journalsystemet Helseplattforma tatt i bruk i Helse Møre og Romsdal.

– No er alle fire sjukehus og alle våre institusjonar på Helseplattforma, og dei første pasientane som kom inn på morgonkvisten er tekne vel imot i nytt system, seier administrerande direktør Olav Lødemel i ei pressemelding.

Vidare seier han at overgangen i natt gikk som forventa, med nokon mindre tekniske utfordringar som blei løyst etter kvart.

Helse Møre og Romsdal opplyser at det er ekstra ressursar med kompetanse på Helseplattforma på sjukehusa no. Og at desse skal hjelpe dei tilsette med å jobbe i journalsystemet i tida framover.

Innføringa av journalsystemet har vore omstridt, og fleire tilsette har frykta for pasientsikkerheita i samband med innføringa.