-
Stor skredfare i Troms
Det er varsla stor snøskredfare fleire stader i Troms tysdag, melder NVE. Det er stigande temperaturar og mykje regn som gjer dette. Dei har difor heva faregraden til fire på varsom.no.
-
Elg jaga ektepar opp i tre
Eit ektepar i 60-åra blei i dag jaga opp i eit tre av ein sint elg i Mandal. Det opplyser politiet til TV2. Ekteparet blei sittande i treet i 20 minutt. Dei fekk etterkvart tak i ein slektning på telefon, som varsla politiet, som igjen varsla viltnemnda.
-
-
Ingen indikasjonar på norske offer
Norske styresmakter har ikkje fått nokon teikn eller indikasjonar på at norske borgarar er blant dei drepne eller såra etter åtaka på Sri Lanka. UD følger situasjonen tett og er i kontakt med lokale styresmakter.
-
To bygg kollapsa på Filippinane
Fem personar er døde etter at minst to bygg har kollapsa etter jordskjelvet på Filippinane søndag, skriv AFP. Tre personar vart funne i ruinane etter eit bygg i byen Porac, medan to andre vart funne i ruinar i byen Lubao.
-
To døde etter jordskjelv
Minst to menneske har mista livet etter at eit jordskjelv råka Filippinane måndag, melder AFP.
-
Ny eksplosjon i Colombo
Ei ny bombe har gått av nær kyrkja i Colombo på Sri Lanka som var råka av terroren søndag, melder Reuters. Ifølgje nyheitsbyrået skal eksplosjonen ha skjedd då ei bombegruppe forsøkte å øydelegge ei bombe i ein bil.
-
Mann omkom etter fall i Drammen
Ein mann i 30-åra frå Oslo omkom etter at han fall i Kjøsterudjuvet i Drammen, melder politiet. Dei pårørande er varsla, skriv politiet på Twitter.
-
Fall ned i juv i Drammen
Eit redningshelikopter frå Hovudredningssentralen hjelper naudetatane etter ei fallulukke i Kjøsterudjuvet i Drammen i Buskerud, skriv NTB. Juvet ved Åssiden i Drammen er 1300 meter langt med opp mot 50 meter høge vegger.
-
Fann 87 bombedetonatorar
Politiet på Sri Lanka har funne 87 bombedetonatorar på busstasjonen i hovudstaden Colombo. Det melder Reuters.