Fovsen-Njaarke saken

Olu dovddut ISÁK-konsearttas Opera viesus

Opera viessu Oslos lei spagga dievva go ISÁK-joavku lei bovden konsertii.

Konsearta lei dárogillii gohčoduvvon «ISÁK gjør opprør i Operaen», mii muitala ahte lávddis bohtet garra dovddut eahperehálašvuođa ja olmmošvuoigatvuođa rihkkumiid vuostá.

Joavkku lávlu, Ella Marie Hætta Isaksen, lea ge maid ollugiidda dál dovddus sámenuoraid Fovsen-ášši miellačájehemiid oktavuođas Oslos moadde vahku dassái.

Konsearttas olbmot máŋgii čuožžiledje ja spežžo gieđaid.

Okta dain guhte lei boahtán konsertii lei May Helen Johansen.

Nu go earát ge dovddahedje maŋŋá konseartta, de lei su mielas masá váttis gávdnat sániid mat govvidit daid dovdduid maid ožžo konsearttas.

– Gal dát lei nu buorre konsearta. Ella Marie lea nu čeahppi oažžut ovdan iežas dovdduid ja oainnuid. Dovden sihke suhtu, ilu ja morraša, lohká Johansen. Les på norsk.

Rámidii sámi miellačájeheddjiid

Sosialisttalaš gurutbellodaga (Sg) ođđa jođiheaddjis Kirsti Bergstøas ledje giitosat ja rápmi sámenuoraide ja luonddugáhttejeddjiide, geat moadde vahku dassái čađahedje miellačájehemiid Oslos.

Sártnistis bellodaga riikačoahkkimii deattuhii Bergstø ahte miellačájehemiid bokte leat nuorat boktán stuorraservvodaga, ja bággen ráđđehusa šállošit váilevaš čuovvoleami Alimusrievtti ovttajienalaš duomus Fovsen-áššis.

– Dán historjjálaš ákšuvnna bokte leat njunuš eiseválddit bággehallon smiehttat Fovsen-ášši birra, ja sávvamis leat eiseválddit maid áđđen juoga maid ovdal eai leat ádden dán áššis, logai Bergstø.

Son dáhtui bellodaga nuoraid geat ledje oassálastán ákšuvnnain, čuožžilit ja rámiduvvot riikačoahkkimis giehtaspeažžumiin.

– Galgabehtet diehtit ahte lean hui rámis dainna bargguin maid dáid miellačájehemiin lehpet dahkan, logai Bergstø.

Son maid deattuhii ahte eanebut stuorraservvodagas leat maid dál ožžon muittuhusa das ahte doppe gos earát vedjet oaidnit ávdin guovlluid luonddus, de earát ges dihtet ahte dá leat guovllut maid sámit geavahit sierranas luondduealáhusaid oktavuođas.

Bergstø lea bajásšaddan Unjárggas Nuorta-Finnmárkkus. Dálá stuorradiggeáigodagas lea son válljejuvvon Akershus fylkkas Stuorradiggái.

Ikte válljejuvvui son ovttajienalaččat ođđa jođiheaddjin Sosialisttalaš gurutbellodahkii. Les på norsk.

Hyllet Fosen-aksjonistene

I sin tale til SVs landsmøte hyllet Kirsti Bergstø samiske ungdommer og unge naturvernere for aksjonene mot regjeringens manglende oppfølging av Fosen-saken.

– Den historiske aksjonen tvang frem en helt ny prosess, en beklagelse og forhåpentligvis en erkjennelse. Jeg vet at flere her tok del i aksjonen, noen også i lenker, sa Bergstø.

Hun påpekte at tilliten til regjeringen var tynnslitt etter 500 dager med et pågående menneskerettighetsbrudd mot reindriftssamene på Fosen, uten tegn til handling utover utredning.

Hun ba de som deltok i aksjonene om å reise seg og motta applaus.

– Dere skal vite en ting at jeg er ufattelig stolt av dere, sa Bergstø.

Hun takket aksjonistene for at de tok kampen og for at de gjennom aksjonen fikk frem det hun mener er likhetstrekk mellom Fosen-saken og Altakampen.

– Takk for at så mange samlet seg og fikk storsamfunnet til å se at der noen har blikk for urørt norsk natur, så vil andre se samiske bruksområder, fordi det er det det handler om. Minoritet og majoritet. Om å ta urfolk på alvor, sa den nyvalgte SV-lederen.

Čájehedje vuostemiela Opera viesus

Lávvordaga doalai ISÁK joavku konseartta Opera viesus Oslos.

Ovdalaš konseartta ledje Fovsen ákšunisttat lebbon duljiid guovdu láhtti Opera viesus, juste nu movt dahke Oljo- ja energiija departemeantta resepšuvnnas moadde vahku dassái.

Sii dolle čorpmaid loktosis ja čurvo dárogillii «Urfolksrett er ikke valgfritt, turbinene må rives nå».

– Mii leat dáppe čalmmustahttime ahte Norgga stáda lea 523 beaivvi rihkkon olmmošvuoigatvuođaid. Eaige leat vel álgán gaikut bieggaturbiinnaid, muitalii Elle Rávdná Näkkäläjärvi NRK:ii.

Dii lohpideiddet fas boahtit ruovttoluotta Osloi jus stáhta ii álgge gaikut turbiinnaid. Lehpet go dan nammii boahtán dál?

Näkkäläjärvi jurdila veaháš ovdalgo vástida mojonjálmmiid:

– Na mii leat goit dál dáppe.

Áigot hukset lasi Fovsen njaarke orohaga eatnamiin

Statnett, mii oamasta ja hálddaša Norgga el-rávdnje rusttegiid, áigu hukset ođđa el-fápmolinjá Fovsen njaarke orohaga dálveguohtumiid čađa Trøndelágas.

Maŋŋá bieggaturbiinnaid huksemiid, lea boazodollui báhcán guokte dálveguohtunguovllu. Dál dat plánejuvvo 420 kV el-fápmolinjá rastá nuppi dien guovtti dálveeatnamiin mat vel leat báhcán.

Orohaga máttimus siidda (Sør Fosen Sijte) advokáhtta, Eirik Brønner, lohká dán ge huksema rihkkut Fovsen-sámiid olmmošvuoigatvuođaid, seamma láhkai go dat beakkán Fovsen-duopmu, man birra juo lea leamaš olu sáhka.

– Lea áibbas čielggas ahte ON olmmošvuoigatvuođakonvenšuvnna rihkkojuvvo, jos el-rávdnjelinjá huksejuvvo vel daid dálveeatnamiid ala mat vel leat báhcán ealáhussii, lohká Brønner NRK:ii.

Boazdoallit ja Sámediggi leat dáhtton eiseválddiin čoahkkima dán ášši birra.

Álgo huksenlohpi addui Statnettii juo 10 jagi dassái, ja Statnett áiggošii dál huksegoahtit el-fápmo linjá, eai ge áiggo vuordit dassái go ášši čielggaduvvo dikkis dahje eiseválddiid ja boazodolliid ráđđádallamiin.

– Nu go juo buot stuorát huksemat dahket, de dieđusge váikkuha dát ge huksen movt nu lundui ja birrasii. Min bargu lea čađahit doaimmaid daid njuolggadusaid ja eavttuid vuođul maid eiseválddit leat mearridan, lohká Statnett ovddasvásideaddji diehtojuohkki, Håkon Smith-Isaksen Holdhus.

Sihke Sis-Fovsen suohkan (Indre Fosen) ja boazodoallit leat ávžžuhan Statnett bidjat el-fápmolinjá mearabotni mielde, ja nu eastadit stuorát huksemiid orohaga dálveeatnamiin.

Ná ávžžuhedje juo dalle 10 jagi dassái go šaddagođii sáhka dán el-rávdnjelinjá huksemis. Statnett lohká šaddat menddo divrras el-rávdnjekabela bidjat mearabotni mielde.