Fovse-akšunisttat dieđihit miellačájehemiid Šloahta luhtte – áigot ođđa gáibádusaid buktit – NRK Sápmi

Hopp til innhold

Fovse-akšunisttat deaivvadedje Šloahta luhtte bearjadaga iđitbeaivvi. Sis ledje ođđa gáibádusat:

Olles proseassa Fovse-áššis ferte guorahallojuvvot, vai dat seamma ii geava ođđasit
Ovddalgihtii álggahanlohpi ii sáhte dohkkehuvvot boahttevaš huksejumiin, nu go Fovses
Fovse-sápmelaččat fertejit áiggi mielde oažžut iežaset eatnamiid ruovttoluotta

Miellačájeheamit gevve dan oktavuođas go ráđđehus deaivvada ruvdnoprinsaregeanttain stáhtaráđis.

Akšunisttain lei «juoiganmaratona» Šloahta luhtte stáhtaráđi čoahkkináigge.

– Dat lea čájehan dihtii mii čuovvut mielde, mii leat ain dás, dadjá Ella Marie Hætta Isaksen NRK:i.

– Mun ferten dadjat ahte mun ráhkistan dán. Mun lean leamaš aktivista máŋga, máŋga jagi. Dál arvá, olbmot čužžot ja juiget ja juiget, dat lea mu mielas albma aktivisma, lasiha son.

Dán dálvvi leat Davvi-Fovse ja Mátta-Fovse siiddat vuolláičállán šiehtadusaid stáhtain, maid vuođul ožžot buhtadusa olmmošvuoigatvuođarihkkuma dihtii.

Eai dáhto gáržžidit ovddalgihtii álggahanlobi geavaheami

NRK lea jearran energiijadepartemeanttas kommentára akšunisttaid gáibádusaide.

Ráđđehusas ii leat jurdda gáržžidit ovddalgihtii álggahanlobi geavaheami, go dan oaivvildit leat áibbas guovddážis amaset kritihkalaš vuođđostruktuvrra huksemat maŋiduvvot.

– Ráđđehus háliida baicce árvvoštallat sáhttet go olahit seamma mihttu jos mii rievdadat proseassanjuolggadusaid,

maid vuođul sáhttit mearridit nu árrat go vejolaš leago mearrádus lobálaš vai ii, ja mii čatná osolaččaid, dadjá energiijaministtar Terje Aasland NRK:i.

– Dien láhkai sáhttit garvit ahte duopmostuolut fámohuhttet mearrádusaid maŋŋágo stuorra investeremat leat dahkkon, dadjá Aasland.

Les hele tilsvaret fra energiminister Terje Aasland:

Staten må ta lærdom av Fosen-saken og sikre reindriftas rettigheter etter artikkel 27 i konvensjonen om sivile og politiske rettigheter. Dette er et helt sentralt spørsmål i konsesjonsbehandlingen. Ved utbygging av strømnett og ny kraftproduksjon er regjeringen opptatt av å ivareta reindriftens interesser og legge til rette for å sikre reindriftens driftsgrunnlag også fremover. Det krever blant annet bedre dialog og involvering av berørte interesser i samiske områder.
Som en oppfølging av Fosen-saken og det generelt høye konfliktnivået mellom reindrift og energi, la regjeringen sist høst fram en bred tiltakspakke for å legge til rette for bedre ivaretakelse av reindriften ved planlegging og utbygging av energi. Pakken inneholder en rekke tiltak som skal bidra til å legge til rette for videre utbygging av nødvendig kraft og nett i Midt- og Nord-Norge, samtidig som reindriftens interesser skal ivaretas slik at de kan bygge videre på næringen sin i et generasjonsperspektiv.
Det legges ikke opp til innstramminger i bruken av forhåndstiltredelse. Muligheten for å gi forhåndstiltredelse er helt sentral for å hindre forsinkelser i utbygging av kritisk infrastruktur. Regjeringen vil i stedet vurdere om noe av det samme formålet kan oppnås gjennom endringer i prosessregelverket som gjør at eventuelle spørsmål om vedtaket er ugyldig eller ikke, kan avgjøres så tidlig som mulig og med bindende virkning for partene, slik at man unngår situasjoner der domstolene finner at vedtaket er ugyldig først etter at det er gjort store investeringer.

Akšunisttat áššáskuhtton

Vuossárgga álggahuvvui diggeášši 18 Fovse-akšunistta vuostá, geat ledje áššáskuhtton go biehttaledje máksimis sáhkuid maid ožžo politiijain maŋŋá diimmá dálvvi akšuvnnaid Oslos.

– Lea leamaš hui emotionála vahkki, dan dihtii go buohkat mii, geat leat áššáskuhtton, leat čilgen iežamet beliid ja man dihtii mii gárttaimet dan dillái ahte dovddaimet ahte fertiimet okkuperet Oljo- ja energiijadepartemeantta, earret eará.

Dan dadjá Ella Marie Hætta Isaksen.

– Ja dat han leat máilmmi persovnnalaš historjját mat leat boahtán ovdan, lasiha Hætta Isaksen.

Duorastaga gesii áššáskuhtti viđa akšunistta áššáskuhttimiid ruovttuluotta. Dát akšunisttat demonstrerejedje Ruhtadandepartemeantta olggobealde.

Fosen-slottet — Fovse-akšunisttat demonstrerejit Šloahta luhtte.
Foto: Solveig Katarina Fossum Norberg / NRK

Maŋŋá politiijaid vihtančilgehusaid de bođii ovdan ahte ii lean čielga diehtu gii dat mearridii váldet gitta dan vihtta akšunistta.

– Ii leat čielga diehtu gii mearridii vuosttas geardde sin váldit gitta, dajai áššáskuhtti Stian Hermansen dikkis.

Dat 13 aktivistta, geat demonstrerejedje Oljo- ja energiijadepartemeantta (OED) vuostáiváldimis, leat ain áššáskuhtton.

NRK forklarer

Mii lea Fovse bieggafápmonággu?

Geavahuvvo guohtuneanan

Máttasápmelaččat leat geavahan Roan ja Stoerretjahke duottarguovlluid Fovses boazoguohtuneanan dálvet ovdal 1500-logu juo.