-
Ávvudit máilmmi eamiálbmogiid
Sotnabeaivve 9.8. lea máilmmi eamiálbmogiid beaivi ja beaivvi leat ávvudan jagi 1995 rájes. Eamiálbmogiid beivviin háliidit muitit eamiálbmogiid ja sin kultuvrraid, olahusaid ja ánssuid.
-
Turist omkommet ved Tanavassdraget
En turist har omkommet ved Tanavassdraget på finsk side, melder finsk politi til NRK. De tror turisten fisket på land. Politiet går ikke ut med mer informasjon om saken ennå.
-
Olmmoš duššan Badje-Deanus
Turista lea duššan ja gávdnon otne Badje-Deanus Suoma bealde, muitalit Suoma bolesat NRK Sápmái. Jáhku mielde lei almmái šlivgumin gáttis. Eará dieđuid dáhpáhusas eai leat vel almmuhan.
-
Dárbu sámi biebmoruovttuide
Davvi-Norggas váilot sullii 200 biebmoruovttu. Mánáidsuodjalusas sávvet, ahte erenomážit Sámi guovlluin olbmot rabašedje iežaset ruovttuid mánáide, geat dan dárbbašit. Lea oalle rahčamuš gávdnat doarvái máŋga sámi ruovttu earret eará Guovdageainnus, gos mánát galggašedje beassat hállat iežaset eatnigiela, lohká Guovdageainnu mánáidsuodjalusa jođiheaddji Svanhild Camilla Utsi. Áššis čállá Ávvir.
-
Čuvvot guohtunroasu váikkuhusaid
Norgga stáhta geavahii sullii 50 miljon ruvnnu bohccuid biebmamii, go dat ledje nealgumin jámas guohtunroasu dihtii. Eanadoallo- ja biebmodepartemeanta lohpida čuovvut, makkár ekonomalaš vahágat šaddet váilevaš gávpebohccuid dihte. Áššis čállá Ávvir.
-
Sámediggeráđđi juolludii doarjagiid
Sámediggeráđđi lea juolludan 500 000 ruvnnu doarjjan Porsanger Treindustri AS:ii Leavnnjas ja 410 000 ruvnnu Vuorji Rein AS:ii Kárášjogas. Porsanger Treindustri AS buvttada viessogálvvuid diŋgoma vuođul ja Sámedikki doarjja geavahuvvo sierra buvttadanvistti huksemii. Vuorji Rein AS fas lea biebmogálvofitnodat ja sii jođihit bohccobierggu. Ulbmilin lea buoridit báikkálaš árvoháhkama boazodoalus, mii lea okta Sámedikki vuoruhuvvon surggiin.
-
Dásseárvu buohkaid ovddasvástadus
Arvedávgesámit sávvet, ahte olbmuid girjáivuođa šattašii norbman Sámi servodagas. Sii vurdet maid aktiivvalaš ságastallama dásseárvvus ja lasi oktasaš deaivvademiid. Loga olles ášši Yle Sámi neahttasiiddus.
-
Šaddet váldit ođđa koronaiskosiid
Buohkat MS Roald Amundsen nammasaš Hurtigruten-dámppas šaddet váldit ođđa koronavirusiskosa. Dát dahkko danin, go dámppas leat máŋgasis koronavirusa dávdamearkkat.
Foto: Terje Pedersen / Terje Pedersen -
Boares Deanušalddi áigot gáikkodit
Boares šalddi gaikkodeapmi boktá ságastallamiid Deanus. Čavčča beallái lea ođđa Deanušaldi doaimmas ja boares šalddi leat plánen gaikkodit. Lars Erik Bønå lea jo máŋga jagi viggan bisuhit boares šalddi sajis historjjálaš muitun. Muhtin olbmot goittot oaivvildit, ahte boares šaldi lea dušše gollun gildii. Áššis čállá Ávvir.
Foto: Dan Robert Larsen / NRK -
Hávdebáikkit áitojuvvon
Máŋga hávdebáikki Girona ja Poikkijávrri girkogárddis leat uhkiduvvon danin, go lea unnán sadji hávdádit ođđa liikkaid. Dohko leat hávdáduvvon olu sápmelaččat. Ruoŧa Sámi kirkoráđi ságajođiheaddji Ingrid Inga lohká, ahte lea dehálaš seailluhit máttuid hávddiid olles Sámi guovllus.
