Konfirmanter Kautokeino 2014
Foto: Ewa-Mari Hedman

Ođđasat - Davvisámegillii

  • Álttá spábbačiekčamat lágiduvvojit

    Altaturneing spábbačiekčamat lágiduvvojit dán gease. Dan dieđihit lágideaddjit. Dát Davvi-Norgga stuorámus spábbačiekčamat lágiduvvojit borgemánu 12. -15. beivviid ja dohko leat buresboahttimat mánát olles Davvi-Norggas. –Valáštallama dihtii mii lágidat dáid doaluid, muhto mii dieđusge váruhat ahte eai čoahkkan ovtta sadjái nu olu olbmot, ahte eai čoahkkan eanet go dárbu lea. Lágideaddjin lea midjiide buorre diehtit mii dáhpáhuvvá sihke plánedettiin ja lágidettiin. Dan čállet sii ruovttusiiddustis.

    Altaturneringen 2017
    Foto: Hanne Bernhardsen Nordvåg / NRK
  • Čuoigangilvvut Gilbbesjávrris

    Gilbbesjávrri árbevirolaš jonssotčuoigangilvvut lágiduvvojit dán jagi maiddái. Mihcamáraid čuoigangilvvuid lágidit dál go 76. geardde. Lágideaddjiit mearrdit otne gokko dát 170 mehter guhkkosaš čuoiganláhttu galgá leat. Mihcamarčuoigangilvvut leat lágiduvvon 1946 rájes.

    Kilpisjärvi
    Foto: Anne Mari Rahkonen Berg / NRK
  • 235 ođđa njoammuma Norggas

    Norggas leat duorastaga duođaštuvvvon 235 ođđa koronavirusnjoammuma, 16 njoammuma eanet go mannan vahkus duorastaga. Oslos njoammumat leat veháš geahppánan, ikte oaivegávpogis ledje 21:s njoammuduvvon, 14:s unnit go vahku áigi. Buohcceviesuin dárbbašit divššu koronavirusa geažil 33 olbmo. Norggas leat 2,3 miljon olbmo vuosttas boahhkomeari ožžon ja 1,5 miljovnna guktuid boahkkomeriid.

    Koronavaksine skal settes i armen.
    Foto: Rolf jakobsen / NRK
  • Iskosis ožžot bohtosa bearjadaga

    Kárášjohkalaš, geas ikte válde jođánisiskosa mii čájehii ahte lea korona, lea dál isolašuvnnas ja sus lea váldon PCR-iskkus. Kárášjoga gielddahoavda Kurt Maurstad lohká Ávvir-áviisii ahte sii dihtet dát olmmoš ii leat fitnan báikkiin gos lea duođaštuvvon njoammun. – Sáhttá nu eaŋkal ahte jođánisiskkus lea addán boasttu vástádusa, dadjá Maurstad áviisii. Dát olmmoš rasttildii rájá go bođii Suomas Norgii, ja válddii álggos jođánisiskosa Kárášjoga iskanstašuvnnas rájás.

    Kárášjohka - Karasjok
    Foto: Dan Robert Larsen
  • Dáhttot rumašdutkama

    Finnmárkku politiijat dáhttot rumašdutkama nissonis, guhte ikte gávdnui duššan Leavnnjajogas, ii nu guhkkin eret Leavnnjas. Sii eai navdde ahte dás leat sáhka kriminála dagus, muhto lea lunddolaš dutkat manne nisu jámii, čállá áviisa iFinnmark. 60-jahkásaš nissonolmmoš dieđihuvvui jávkan gaskavahku iđit, ja su ledje maŋimuš oaidnán maŋŋebárgga eahkedis.

Ođđasat

Geahča Ođđasiid - Se den nyeste Ođđasat-sendingen

«Vástádus eana – The answer is land»lei rahpančájálmassan Davvi-Norgga riemuin Hársttain. Dánsa ja luohti guovddážis dán čájálmasas.