Kan vere på veg vekk frå Ålesund
Luksusyachten «Ragnar» ser ut til å vere på veg vekk frå Ålesund. Det melder Sunnmørsposten.
«Ragnar» forlét Narvik i slutten av mars for å reise heim til Malta, men har den siste tida vore ankra opp utanfor Ålesund. Men måndag ettermiddag reiste yachten frå dette området. Ifølge Marine Traffic har yachten Malta som neste destinasjon.
Eigaren av yachten skal vere tidlegare KGB-agent og Putin-venn Vladimir Strzhalkovsky og båten har skapt sterke reaksjonar etter invasjonen av Ukraina.