Rakettar og dronar skotne ned over Ukraina
Ukraina hevdar dei skaut ned 21 av 34 russiske rakettar som blei skotne mot ukrainske mål natt til laurdag, melder Reuters.
Det største energiselskapet i Ukraina Detek seier at fire av kraftverka deira er ramma i russiske angrep i løpet av natta. Ein tilsett blei skadd.
Ifølge det russiske forsvarsdepartementet skaut russiske soldatar ned 68 ukrainske dronar natt til laurdag, melder AFP. 66 av desse skal ha blitt skotne ned over Krasnodar, medan to blei skotne ned over Krym-halvøya.