Mann døde i Ålesund

Kritisk til politimeisteren

Borge Amdam er kritisk til politimeister i Møre og Romsdal, Ingar Bøen si handtering etter at ein mann døydde etter eit basketak med politiet i januar. Det skriv Politiforum.

Amdam var operasjonsleiar den dagen dette skjedde. I kontakt med media gjekk han ut med feilaktig informasjon, noko som førte til spørsmål rundt politiet si handtering av saka. I etterkant av hendinga beklaga Amdam noko av kommunikasjonen med media.

No kritiserer Amdam mellom anna Bøen for at han ikkje var med på å nyansere bilde rundt kva som skjedde og at Amdam fekk munnkorg. Han skal også ha følt seg pressa til å be om å bli fritatt for arbeidsoppgåvene sine, noko han ikkje ville.

Fungerande politimeister Ingmar Farstad seier til Politiforum at politidistriktet har tillit til Amdam, men at dei ikkje var nøgd med jobben han gjorde i denne konkrete saka. Han seier vidare at målet deira i denne saka har vore å vise openheit til media, ta vare på dei tilsette og skape ro rundt saka.

Spesialeininga har konkludert

Spesialeininga for politisaker har no konkludert etter at ein mann i 30-åra døydde i Ålesund i januar.

To politibetjentar var involvert i eit basketak med mannen då dei skulle få kontroll på han. Seinare på dagen melde politiet at mannen var død.

Sidan har Spesialeininga undersøkt om det var ein samanheng mellom politiet sin framgangsmåte og dødsfallet.

– Saka er lagt som ikkje noko straffbart forhold, står det på nettsida til Spesialeininga.

Lokalt politi ferdig med etterforskinga

Onsdag meldte Spesialeininga at dei er ferdige med etterforskinga av hendinga i januar då ein mann mista livet i etterkant av å ha hamna i eit basketak med to politibetjentar. Det same er politiet lokalt i Møre og Romsdal.

Etterforskinga av hendinga vart delt i to etter at Spesialeininga vart kopla på. Dei tok seg av alt som skjedde etter dei to politibetjentane kom til staden der mannen var. Alt som skjedde fram til då, er det lokale politidistriktet ansvarlege for å etterforske.

– Vi er ferdige med vår del av etterforskinga, og har sendt dette over til Statsadvokaten. Dei ynskjer å vente på den endelege avgjerda frå Spesialeininga, fortel seksjonsleiar for etterforsking i Møre og Romsdal politidistrikt Linn Erstad.

Endeleg obduksjonsrapport er klar

Spesialeininga for politisaker har no mottatt den endelege obduksjonsrapporten av mannen, som døydde i Ålesund i januar.

– Vi ser på saka som ferdig etterforska og vil innan kort tid sende over innstillinga vår til sjefen for Spesialeininga, som skal fatte påtaleavgjerda i saka, seier Thomas Arntsen, etterforskingsleiar i Spesialeininga for politisaker til NRK.

Det er venta at dette vil kome om nokre veker, men Arntsen kan per no ikkje seie konkret når dette vil kome.

Han vil ikkje kommentere resultatet av obduksjonsrapporten eller dei toksikologiske undersøkingane som blei gjort.

– Eg ønskjer ikkje å gå inn på innhaldet i desse rapportane no. Dette får vi heller kome tilbake til på eit seinare tidspunkt i samanheng med ein større gjennomgang av saka, seier Arntsen.

Mannen var involvert i eit basketak med politiet tidlegare på dagen. På eit tidspunkt etter at politiet hadde fått kontroll på mannen blei det utført livreddande førstehjelp og han blei frakta vekk i ambulanse. Seinare på dagen blei det meldt at mannen hadde døydd.

Spesialeininga etterforskar framleis om politiet gjorde noko feil i samband med hendinga.

Har gjennomført obduksjon av avdøde

I forbindelse med hendelsen i Ålesund sentrum 28. januar 2023, hvor en person som politiet anholdt døde, er det gjennomført obduksjon av avdøde.

Den foreløpige obduksjonsrapporten kan ikke entydig fastslå dødsårsaken og supplerende analyser må gjennomføres. Disse antas å ikke være klar før om rundt to måneder.

Spesialenheten har tatt en rekke avhør i saken, sikret videoopptak og innhentet lydopptak fra politiets kommunikasjon i forbindelse med saken.

To tjenestepersoner har status som mistenkt i saken.