Geiranger

Steinras i Geiranger

Politiet melder at det har gått eit steinras over Ørnevegen i Geiranger. Ifølge Vegtrafikksentralen dekker raset den eine køyrefeltet av vegen. Entreprenør er varsla, melder politiet.

Foreslår nei til bussløyve i Geiranger

Fylkeskommunedirektøren i Møre og Romsdal finn ikkje at søknaden frå Strömma Norge AS om ruteløyve til å drive «hop on – hop off» sightseeing i Geiranger kan imøtekomast, melder fylkeskommunen. Både Stranda kommune og Geirangerfjorden Verdsarv er kritiske til ei tildeling og peiker på stor trafikk- og miljøbelastning i sine fråsegn, blant anna fordi det manglar trygge areal til busshaldeplassar og samanhengande gangvegnett. Dei meiner at bygda ikkje er skapt for store trafikkvolum, og at det å redusere belastninga bør være ei målsetting. Saka blir avgjort i samferdselsutvalet 1. februar.

Utsleppskrav blir ståande

Det blir ikkje utsetting av utsleppskrava til cruiseskipa i Geiranger og Nærøyfjorden, skriv E24. For to år sidan anbefalte Sjøfartsdirektoratet å utsette krava om nullutslepp frå 2026. No foreslår direktoratet at kravet blir ståande. I staden meiner dei at skipa skal kunne bruke biogass fram til 2035.

Vil ha meir straum til Geiranger

Kommunane Stranda, Stryn og Skjåk skal møte den politiske leiinga i Olje- og energidepartementet i dag der dei vil kople behovet for meir straum til Geiranger til kravet om ny Strynefjellsveg med arm til Geiranger.

Løysinga er å leggje straumkablane gjennom tunnelen, men det føreset at det blir bygd ein ny Strynefjellsveg, seier Stranda-ordførar Jan Ove Tryggestad frå Senterpartiet.

Japansk storkonsern investerer i hydrogenfabrikk

Japanske Mitsui investerer 70 millioner kroner i Norwegian Hydrogen, som skal bygge og drive hydrogenfabrikken på Hellesylt ved Geirangerfjorden. Det melder det norske selskapet i ei pressemelding. Japanarane blir dermed nest største eigar med 15 prosent. Anlegget skal produsere hydrogen frå siste kvartal av 2023, og skal blant annet forsyne skip som skal segle utan utslepp inn til Geiranger.