Japana álbmoga eanetlohku háliida ahte Tokyo olympia gilvvut sirdojuvvojit dahje eai lágiduvvo, go álbmot ballá ahte koronanjoammun lassána. Nu čájeha oaiviliskkadeapmi maid ođasdoaimmahat Kyodo lea dahkan. 72 proseantta vástidit ahte OG eai berre lágiduvvot nu movt leat plánejuvvon.
Romssa suohkan bisseha geavaheamis koronatesten-stašuvnna mii lea Sydspissen guovllus. Stašuvdna ii leat leamašan rabas eará go moadde beaivvi. Sivvan dása lea go leat leamašan unnán olbmot stašuvnnas váldimen teasta. – Dát lea fuolastuhtti, nu dadjá Romssa koronaguovddáža jođiheaddji, Øivind Benjaminsen. Muhto suohkan sáhttá oanehis áiggis fas rahpat dán testenstašuvnna, deattuha Benjaminsen.
Brasilas ledje njukčamánus buohcciviesuid intensiivaossodagas eanet koronapasieanttat geat leat vuollel 40 jagi, go sii geat leat badjel 40 jagi. Brasila lea okta dain riikkain gos rahčet eanemus koronapandemiijain. Njukčamánus ledje 52 proseantta sis geat ledje buohcciviesuid intensiivaossodagas, vuollel 39 jagi dahje nuorat.
Austrália lea vuollánan olahit dan mihtu ahte bidjat buot ollesolbmuide koronaboahkuid ovdal ođđa jagi. Nu dieđiha Reuters. Sivvan dasa lea go dat, geat leat vuollel 50 jagi, eai oaččo AstraZeneca boahkuid. Eiseválddit leat bidjan olu návccaid dáidda boahkuide, muhto dál áigot eará buvttadeaddjis oastit eanet boahkuid. Čavga eastadandoaibmabijut leat dagahan ahte Austrálias lea oalle unnán njoammun. Riikkas leat oktiibuot registreren 30.000 njoammuma, ja birrasiid 900 olbmo leat jápmán korona geažil.
Norggas lea duođaštuvvon maŋimuš jándoris koronavirus njommon 421 olbmui. Dát lea 153 eanet go mannán vahkus dán seamma beaivve. Oslos lea maid njoammumat geahppáneamin. Doppe ledje maŋimuš jándoris 107 ođđa njoammuma.
Stáhtus
421
njoammudeamit
Varraseamos ođđasatBoahkuhuvvon:
835 970Buohcceviesus:
288Jápmán:
687Karantene | Forkjøla eller symptomer (også milde) | Syk eller smittet (isolasjon) | Frisk, men i risikogruppa | Frisk | |
|---|---|---|---|---|---|
| Dra på butikken |  |  |  | |  |
| Dra på jobb | | | | | |
| Ta offentlig transport | | | | | |
| Møte venner | | | | | |
| Overnatte på hytte utenfor egen kommune | | | | | |
| Kontakt med de du bor med | | | | | |
| Gå en tur | | | | | |
GRAFIKK: NRK. Oppdatert 12. mai 2020 kl. 09.00 – endringer kan forekomme. Sjekk siste råd fra myndighetene på helsenorge.no
