Ulstein Group

Ulstein har inngått ny kontakt

– Vi er svært glade for å ha signert ein ny kontrakt for bygging av eit nytt ekspedisjonscruisefartøy, seier Lars Ståle Skoge, kommersiell direktør i Ulstein Design & Solutions.

Dette nye fartøyet er nummer sju for amerikanske SunStone Ships, og deler den same eigenskapen som tre andre fartøy i klassa ved at det har vindauge rundt heile baugen for å gi mykje lys og ei oppleving av å vere i naturen medan ein oppheld seg innandørs.

Skipet har plass til 199 passasjerar og eit mannskap på 101.

Servicekontraktar til godt ut i 2023

Ulstein Verft har servicekontraktar til godt ut i 2023. I løpet av dei siste dagane i oktober og første dagane i november har Ulstein Verft signert ei rekke kontraktar på service og klassing av skip for fleire ulike reiarlag. Dokkhallen er ein viktig grunn til at ordreboka fyller seg opp. – Ulstein Verft ligg gunstig plassert langs kystleia mellom Stad og Trondheim, og har servicekaier, dokk og dokkhall. Med dei siste kontraktane har verftet no fylt opp ordreboka til godt over jul, fortel Martin Sundgot Hansen i Ulstein Verft. Han seier dei har førespurnader om oppdrag til langt ut i april. – Så det ser positivt ut for aktiviteten ved verftet framover.

Olympic kontraherer inntil fire havvindfartøy ved Ulstein Verft

Olympic kontraherer to konstruksjonsstøttefartøy til havvindindustrien for bygging ved Ulstein Verft. Det skriv Ulstein Group i ei pressemelding.

Fartøya har hybrid batteriframdrift og er førebudde for metanol som mogleggjer nullutslepp.

– Vi er svært glade for å jobbe med Olympic igjen, ein viktig og innovativ kunde vi har hatt eit svært godt samarbeid med gjennom mange år og gjennom mange komplekse og vellukka prosjekt tidlegare, seier konsernsjef Cathrine Kristiseter Marti i Ulstein Group.

Kontraktane inkluderer vidare ein opsjon på to skip.

Positive tal i 2021

Ulstein Group hadde i 2021 ei omsetning på 1,21 milliardar kroner og eit driftsresultat på 56,4 millionar kroner. Covid-19 har også i 2021 påverka både omsetninga og kostnadsnivået negativt, men selskapet har levert to nybyggingsprosjekt på tid og kan vise til eit positivt årsresultat, skriv dei i ei pressemelding.

– Covid-19-pandemien førte til lav ordreinngang og reduserte inntekter, noko som førte til ein betydeleg omstillingsprosess, seier konsernsjef Cathrine Kristiseter Marti.

Leverer nytt skip

Ulstein verft har i dag levert sitt andre cruiseskip til amerikanske Lindblad Expeditions. Skipet er klart til sin første tur til Antarktis, Sør-Georgia og Falklandsøyane i november. Skipet har den karakteristiske X-bow-løysinga, som Ulstein har blitt kjent for. Skipet har ifølgje Ulstein tankar for drivstoff og vatn som gjer at dei kan dra på lange turar.