Ulstein Design & Solutions AS har signert ein kontrakt med Tersan Shipyard. Dette på to metanoldrivne konstruksjonsstøttefartøy for havvindindustrien. Det skriv selskapet i ei pressemelding. Skipa skal byggast for det nederlandske reiarlaget Acta Marine.
Acta Marine har allereie signert ein 12-årskontrakt med RWE for skipa, som går ut på at dei støtte vindparkar i Nordsjøen. Fartøya har base i Grimsby og vert venta å settast i arbeid i 2025 og 2026.
Eigarselskapet Golden Energy Offshore Management Holding er konkurs. Det framgår av dokument hos tingretten.
Gjelda i selskapet skal vere på om lag 10 millionar kroner. Selskapet skal ikkje vere i stand til å betale forpliktelsane sine etter kvart som dei forfell, heiter det i kjennelsen frå tingretten.
Konkursen skal ikkje ha følgjer for drifta av skipa til Golden Energy Offshore.
Eqva ASA i Fosnavåg i Herøy har hatt ein solid start på 2023, viser rapporten for første kvartal. Konsernet hadde inntekter på 200 millionar kroner, noko som er ein auke på over 13 prosent frå førre kvartal. Auka omsetning, sterke driftsresultat, ei solid ordrebok og fleire viktige kontraktar gjer at administrerande direktør Erik Høyvik, særleg innan den maritime sektoren, framleis ser positivt på 2023.
Ulsteinvik-reiarlaget Island Offshore har sikra seg kontraktar for over ein halv milliard kroner. Kontraktane er fordelte på arbeid over to år.
– Kontraktane stadfestar det positive marknadsbildet. Tildelingane er særs viktige for arbeidsplassane i selskapet, seier administrerande direktør Tommy Walaunet i ei pressemelding (bildet).
Flåten til Island Offshore tel no 21 skip, som totalt sett har hatt ein bra start på 2023, heiter det vidare i pressemeldinga.
Eldreombod Bente Lund Jacobsen er tilsett som dagleg leiar i havbruksselskapet Global Aquaculture Tech Hub i Ålesund.
Lund Jacobsen har vore eldreombod sidan embetet blei etablert i Ålesund i 2020 og blir lagt ned til sommaren.
Global Aquakulture Tech Hub er etablert av sentrale aktørar i havbruksnæringa. Selskapet arbeider mellom anna for å løyse utfordringar innan fiskevelferd og bere kraft.
