Kleven Verft

Regjeringa utvider låneordning for verftsnæringa

Regjeringa utvidar garantidelen til Eksfin i Byggelånsgarantiordningen frå 50 til 75 prosent. Det betyr at Eksfin kan ta ein større del av kredittrisikoen for bankar som tilbyr byggjelån til norske skipsverft.

– Det er snakk om store beløp når skip skal byggjast, og tilgang til finansiering er svært viktig for norske verfts konkurransedyktigheit, seier fiskeri- og havminister Bjørnar Skjæran (Ap).

Regjeringa har tidlegare varsla at ho vil skjerpe krava for å vareta klima- og miljøomsyn ved offentlege innkjøp. Frå nyttår er hovudregelen at klima- og miljøomsyn skal vektast med minimum 30 prosent.

Får ikkje pålegg etter dødsulykke

Green Yard Kleven i Ulstein får ikkje pålegg frå Arbeidstilsynet etter dødsulykka i februar. Det skriv Vikebladet Vestposten. Ein arbeidstakar omkom etter å ha blitt treft av ei fallande stålplate, og verftet fekk varsel om fleire pålegg frå Arbeidstilsynet. Arbeidstilsynet opplyser til avisa at dei likevel ikkje kjem med desse pålegga, fordi bedrifta har levert dokumentasjon på at dei har eit godt nok HMS-system.

Varslar fleire pålegg etter dødsulykke

Etter dødsulykka ved Green Yard Kleven i februar i år har Arbeidstilsynet funne fleire forhold som dei meiner ikkje er etter HMS-regelverket.

Det skriv Sunnmørsposten.

Arbeidstilsynet vurderer at den direkte årsaka til ulykka er at arbeidstakaren blei treft av ei fallande stålplate.
Green Yard Kleven får pålegg om å rette opp fleire forhold, mellom anna kartlegging og risikovurdering

Krev nesten 200 millionar kroner i erstatning

Konkursbuet for Kleven Verft i Ulsteinvik har tatt ut søksmål og krev 193 millionar kroner i erstatning frå styreleiar Tomislav Debeljak i det konkursramma verftsselskapet. Det melder Sunnmørsposten.

Sidan sist melding til retten har buet gjort ytterlegare gransking og vurdering opp mot det som skjedde då Kleven Verft gjekk konkurs for to år sidan.

Klargjer MS Fridtjof Nansen

MS Fridtjof Nansen kjem til verftet Green Yard Kleven måndag 11. oktober for klargjering til nye ekspedisjonscruise. Skipet skal gå frå Hamburg og oppover norskekysten til Nordkapp. – Det er veldig gledeleg at Hurtigruten Expeditions kjem med dette oppdraget til oss, seier konsernsjef i Green Yard Group, Hans Jørgen Fedog. MS Fridtjof Nansen blir det sjette skipet frå Hurtigruten Expeditions som får utført arbeid ved verftet siste året.