Green Yard Kleven i Ulstein får ikkje pålegg frå Arbeidstilsynet etter dødsulykka i februar. Det skriv Vikebladet Vestposten. Ein arbeidstakar omkom etter å ha blitt treft av ei fallande stålplate, og verftet fekk varsel om fleire pålegg frå Arbeidstilsynet. Arbeidstilsynet opplyser til avisa at dei likevel ikkje kjem med desse pålegga, fordi bedrifta har levert dokumentasjon på at dei har eit godt nok HMS-system.
Etter dødsulykka ved Green Yard Kleven i februar i år har Arbeidstilsynet funne fleire forhold som dei meiner ikkje er etter HMS-regelverket.
Det skriv Sunnmørsposten.
Arbeidstilsynet vurderer at den direkte årsaka til ulykka er at arbeidstakaren blei treft av ei fallande stålplate.
Green Yard Kleven får pålegg om å rette opp fleire forhold, mellom anna kartlegging og risikovurdering
Mannen i 60-åra, som omkom i ei arbeidsulykke ved Green Yard Kleven i Ulstein førre veke, blir obdusert i dag.
Arbeidstilsynet og politiet var fredag på synfaring hos verftet. Ulykka skjedde under ein løfteoperasjon på ei mobilkran, ifølgje politiet. Hilde Sæther, politistasjonssjef i Ulstein og Hareid, seier dei skal gjennomføre fleire vitneavhøyr.
Arbeidstilsynet er i dialog med verftet og skal be om dokumentasjon omkring heisoperasjonen.
Arbeidstilsynet har fredag undersøkt åstaden saman med kriminalteknikarar der ein mann i 60-åra mista livet ved Green Yard Kleven-verftet i Ulstein torsdag.
– Politiet har ei meining om kva som er mogleg årsak til at ulukka skjedde, men vi treng å undersøkje det meir, seier Hilde Sæter, politistasjonssjef i Ulstein og Hareid.
Sæter seier den avdøde vil verte obdusert måndag 27., og at politiet har fleire avhøyr å gjere.
I dag skal Arbeidstilsynet gjennomføre ei synfaring på Green Yard Kleven i Ulstein, der ein lokal mann i 60-åra miste livet i ei arbeidsulykke i går. Bedrifta skriv i ei pressemelding at dei held tett dialog med politiet og Arbeidstilsynet for å få oversikt over kva som skjedde. Dagleg leiar Hans Jørgen Fedog seier at den avdøde var godt likt og at tankane hans går til dei etterlatne.
