Hopp til innhold
Vestland fylkesting i Håkonshallen oktober 2019
Foto: Vestland fylkeskommune

Politikk i Vestland

Oppsummert

Hordaland og Sogn og Fjordane slo seg saman til Vestland 1. januar 2020. Her får du siste nytt frå politikken i fylket.

  • Har søkt om fritak for elever i Vestland fylke

    Vestland fylkeskommune har fredag søkt om fritak for elevene som har vært hardest rammet av lærerstreiken. – Mange av elevene våre har hatt minimalt med undervisning, sier fylkesordfører Jon Askeland (Ap) til NRK. Søknaden gjelder åtte videregående skoler i fylket, blant annet Bergen katedralskole og Amalie Skram videregående skole. Det er fagforeningene som behandler søknaden.

  • Kinn vil bruka avviklingspengar på utvikling

    Kommunestyret i Kinn vil søka om å få bruka dei 15 millionane som var sett av til å dela opp kommunen til å heller utvikla organisasjonen. Det melder Fjordenes Tidende at kommunestyret bestemte torsdag.

    – Eg er av den meining at dersom ein finn midlar til å avvikla, bør ein finna m inst like mange midlar til å utvikla, sa ordførar Ola Teigen (Ap) ifølgje avisa.

  • Melder seg ut av Sp i protest

    Seks faste og varamedlem i Kinn kommunestyre, melder seg ut av Senterpartiet. Dei gjer dette i protest mot at innbyggjarane i tidlegare Vågsøy ikkje blir høyrde i spørsmålet om reversering av kommunen.

    I folkerøystinga om framtida til Kinn kommune røysta 58 prosent av dei som nytta seg av røysteretten i Vågsøy for å dele kommunen. I Flora-delen var det klar overvekt for å behalde storkommunen.

    Kommunestyret i Kinn gjekk inn for vidareføring. Sterke signal frå Senterpartiet sentralt tyder på at kommunalminister Sigbjørn Gjelsvik (Sp) ikkje har planar om å overstyre kommunestyret.

    – Vi må diverre konstatere at Senterpartiet sentralt går imot ein berebjelke i sitt eige verdigrunnlag og ser ut til å ofre folkeviljen i Vågsøy for husfreden si skuld i regjeringssamarbeidet med Ap, skriv Fredrik Egeberg, Randi Aare, Asgeir Solheim, Tom André Hopland, Øystein Sortland og Ragne Larsen.

    Alle er heimehøyrande i Vågsøy. Dei melder seg ut med umiddelbar verknad.

    Frå før har også leiinga i Kinn Senterparti trekt seg.

  • Riksmeklar kallar inn partane i lærarstreiken

    Riksmeklar Mats Ruland har laurdag invitert partane i lærarkonflikten til eit møte, søndag klokka 12. Utdanningsforbundet stadfestar at det kjem til å delta på møtet. KS, Norsk Lektorlag og Skolenes landsforbund kjem også til å delta.

  • Leiinga i Kinn senterparti trekk seg

    Nils Myklebust, leiar for Kinn senterparti og nestleiar Torgunn Eikevik trekk seg frå verva sine med umiddelbar verknad. Det kom fram i eit brev til leiinga av Senterpartiet i går, melder Firdaposten.

    Myklebust er misnøgd med at røystene til innbyggarane i Vågsøy ikkje har blitt teke omsyn til, i avgjersla om Kinn kommune si framtid.

    – Senterpartiet har mist all tillit i saka om folkestyre. For oss som har stått på stand og i partiarbeid for Senterpartiet, så er skuffelsen enorm, skriv dei i brevet.