Banksy-kommentar til Brexit dukka opp ved ferjekaia mot Europa

Representantar for den anonyme, britiske gatekunstnaren stadfestar til avisa The Independent, at det er Banksy som står bak veggmåleriet.

Det blei vist til Instagram-kontoen til Banksy der to bilde av det svære veggmåleriet er lagt ut.

«Dover, England» er einaste kommentar kunstnaren har lagt ved.

Ferja mot Calais

Veggmåleriet ber tydeleg preg av å vere inspirert av Brexit og det politiske landskapet i Europa. Val av stad ser heller ikkje ut til å vere tilfeldig.

Kunstverket er nemleg ført opp på ein bygning like ved ferjeterminalen i Dover. Terminalen knyter Storbritannia saman med Europa og Dover er stor hamn for ferjer til Calais i Frankrike.

Calais har husa éin stor flyktningleir med tidvis stor uro.

• Les også: Storbritannia og Frankrike krangler om Calais-migranter
• Les også: Nå tømmes «jungelen» i Calais

Harde forhandlingar

Den Bristol-baserte kunstnaren er kjend for politiske kunstverk verda rundt. Det ferske veggmåleriet er først Banksy-kommentar opp mot Brexit, ifølgje The Guardian.

Storbritannia står midt i prosessen med å gå ut av EU, etter at britane 23. juni i fjor stemte for å forlate unionen.

29. mars i år utløyste statsminister Theresa May artikkel 50 i EU-traktaten, noko som gjorde at Storbritannia har to år på å sluttføre utmeldingsprosessen.

For tida går det føre seg harde forhandlingar om korleis ein framtidig avtale mellom EU-landa og Storbritannia skal sjå ut.

• Les også: Nasjonalisme, frykt og optimisme før brexit