Arrangerer protestkonsert for Y-blokka

Torsdag neste veke mobiliserer kultur-Noreg til protestar og folkefest for å bevare Y-blokka i regjeringskvartalet. Åse Kleveland, Lars Lillo-Stenberg og Ravi er blant artistane som skal stå på scenen.

Y-blokken / Y-blokka har adresse Akersgata 44 og ligger delvis over Arne Garborgs plass. Bygningen har navn etter Y-formen

Mange har protestert mot rivingsvedtaket av Y-blokka. No vil kultur-Noreg arrangere protestkonsert for å få gjort om vedtaket og bevare blokka.

Foto: Lise Åserud / NTB scanpix

Rivingsvedtaket av Y-blokka har skapt debatt. Det har vore både underskriftskampanjar, aksjonar og fakkeltog for å bevare blokka.

No ønsker ei rekke artistar, kunstnarar og andre kulturpersonlegdommar å arrangere ein protestkonsert og folkefest torsdag neste veke for å bevare blokka som blei skadd i terrorangrepet 22. juli.

Dei har søkt om å få halde konserten framfor Y-blokka, men ventar framleis på løyve frå Kommunal- og moderniseringsdepartementet, som er grunneigar.

Blant dei som etter planen skal delta på konserten er tidlegare kulturminister Åse Kleveland, Lars Lillo-Stenberg, Ravi og Elvira Nicolaisen.

Arrangørane har samla inn pengar for å få dekka kostnadane til scene, lys, lyd og tryggingsutstyr. Dersom dei ikkje løyve til å arrangere konserten, vil dei gi pengane vidare til Fortidsminneforeningen og Støtteaksjonen for bevaring av Y-blokka.

Vil rive av tryggingsomsyn

Etter terrorangrepet i 2011, blei det vedteke at Regjeringskvartalet skulle byggast opp på nytt. Men av tryggingsomsyn blei Y-blokka vedteke riven i 2014. Det blei peka på at delar av bygget ligg over vegen som går tvers gjennom Oslo sentrum.

Vedtaket vekte harme hos mange. Det blei peika på at Y-blokka arkitektonisk høyrde saman med Høgblokka, som skulle få stå.

I tillegg har blokka unike utsmykkingar av Pablo Picasso og Carl Nesjar både ute og inne.

Protest mot riving av Y-blokka

Fakkeltoget mot riving av Y-blokka samla mange personar i januar.

Foto: Vidar Ruud / NTB scanpix

Statsbygg har planar for korleis desse skal bli bevart, sjølv om bygget blir rive, men mange fryktar at kunsten likevel skal få store skadar i arbeidet.

Protestane har ført til fleire utsettingar av rivinga. Men i sommar gav Oslo kommune grønt lys til riving, og i januar blei ein klage til Sivilombodsmannen avvist.

Dersom rivinga av blokka ikkje er i gang innan april, meiner Statsbygg at forseinkingane kjem til å koste fleire millionar kroner i månaden.

Kulturstrøm

  • Pussar opp prestegard

    Bjørnstjerne Bjørnson sin barndomsheim, Nesset prestegard i Romsdal, skal pussast opp for sju millionar kroner. Den siste presten forlét prestegarden i 2016 og no skal hovudhuset brukast som museum.

    Pussar opp Nesset prestegård
    Foto: Hans-Olav Landsverk / NRK
  • Zuckerberg fikk klar beskjed av EU

    Facebook-sjef Mark Zuckerberg fikk klar beskjed om å gjøre mer for å stanse flommen av hatmeldinger og falske nyheter da han møtte tre EU-kommissærer i Brussel mandag. EU skal om kort tid legge fram en plan for å regulere kunstig intelligens.

    Mark Zuckerberg
    Foto: Erin Scott
  • Gir seg med Farmen

    TV 2-programleder Gaute Grøtta Grav fra Isfjorden i Rauma gir seg som programleder i "Farmen" og "Farmen kjendis". Han har ledet programmet i 13 sesonger og over 500 programmer. Det er foreløpig ikke klart hvem som skal ta over programlederjobben.

    Gaute Grøtta Grav i Farmen-genseren
    Foto: Alex Iversen / TV 2