Det er klart etter at Vegdirektøren i dag la fram konseptvalutgreiinga for E39 mellom Skei i Sogn og Fjordane og Halsa på Nordmøre.
Slik ser forslaget frå Statens vegvesen ut. Kva meiner du? Går dei for dei rette løysingane? Sei meininga di i kommentarfeltet under artikkelen.
- Les også:
- Les også:
Tunnel gjennom Utvikfjellet
Om ein byrjar frå sør, meiner vegvesenet at E39 skal gå i tunnel under Utvikfjellet. Når Kvivsvegen blir ferdigstilt vil mykje trafikk bli overført til Fylkesveg 60 via Stryn og Olden. Difor vil det vere behov for utbetringar på denne strekninga uansett om fjordkryssinga blir etablert eller ikkje.
Vegvesenet meiner det er potensial for reisetridsreduksjon på 14 minutt på denne strekninga.
- Les også:
Kryssing av Nordfjord
Her vil vegvesenet ha ei hengjebru på storleik med Hardangerbrua. Dette er godt mogleg å få til med dagens teknologi, skriv vegvesenet. I den samla vurderinga heiter det at dette er det mest lønsame prosjektet, med stor reisetidsgevinst og kan byggjast med velkjend teknologi.
Vegvesenet påpeikar imidlertid at det er til dels stor usemje om trasevalet.
Forkjemparane for fjordkryssing mellom Anda og Lote hadde budd seg på kakefeiring. I staden blir det sørgjekake.
– Eg hadde tenkt på ei kakefeiring. Men no blir det heller sørgjekake. Eller kanskje skal eg kalle det ei «meir innsats-kake». Vi må kjempe vidare for Anda - Lote, seier Ranveig Årskog.
- Les også:
- Les også:
- Les også:
Ny veg forbi Volda og Ørsta
I rapporten som blei lagt fram i dag, ligg det også løysingar til korleis både Volda og Ørsta skal passerast. Vegvesenet foreslår tunnel forbi Volda sentrum, og ny bru og tunnel ved det dei kallar Ytre Ørstafjord. Prosjektet kortar inn E39 med 15 minutt, og vil ha stor nytte uavhengig av kva konsept for kryssing av Storfjorden som blir valt, heiter det i utgreiinga.
- Les også:
- Les også:
- Les også:
Se HELE saken her:
Kryssing av Storfjorden eller Sulafjorden
Vegvesenet ønskjer ikkje tunnel under Storfjorden, verken på strekninga Festøy-Solavågen eller mellom Hareid og Sula.
Her vil dei utvikle bruløysingar, og i mellomtida tilrår dei at ferjene skal ha fleire avgangar.
Uansett traseval inneber bruløysing truleg ei lang endeforankra flytebru, skriv vegvesenet. Dette er i dag utanfor det som er mogleg å realisere, heiter det i dokumentet som blei lagt fram i dag.
Vegvesenet omtalar denne fjordkryssinga som teknologisk svært komplisert. Det krev eit omfattande utviklingsarbeid og vil truleg ligge eit godt stykke fram i tid.
– Vi hadde ønskt at Fefast vart peika ut som eit tydeleg alternativ for det vi vil ha. Men vala for tunnel mellom Volda og Ørsta og kryssing av Ørstafjorden ytst ute fører traseen rett inn på Fefast-prosjektet. Fefast har ikkje svekka si sak, seier ordførar i Ørsta, Rune Hovde.
I planen ligg det ei styrking av ferjetilbodet mellom Festøya og Solavågen. Dette er også i dag eit E39-samband, og det økonomiske ansvaret ligg hos Statens vegvesen.
Hareid - Sulasundet er eit fylkesveg-samband. Ei eventuell styrking her vil vere eit fylkeskommunalt ansvar.
- Les også:
- Les også:
– Tek for lang tid
Industrileiar Gunvor Ulstein er skuffa over at vegvesenet ikkje har teke noko val mellom strekninga Festøya–Solavågen eller Hareid Sula. Ho meiner vegvesenet burde ta eit val, og så setje i gang eit arbeid for å utvikle dei teknologiske løysingane.
– Eg tykkjer at dette vil ta for lang tid. Det blir for mykje utgreiingar. Og teknologien kan kome på plass. Med ein gong ein set offshoremiljøet, det maritime miljøet og vegvesenet saman, kjem vi til å få dette på plass, seier Gunvor Ulstein.
– Dei burde altså ha teke eit val mellom Fefast og Hafast?
– Ja, dei burde ha kome med ei klar anbefaling. Vegvesenet skal ta omsyn til store bu og arbeidsmarknadsregionar. Slik ville Hafast ha peika seg ut til å vere den naturlege løysinga, seier Ulstein.
Vegomlegging ved Sjøholt
Alle som har køyrt E39 i Ørskog skjønar at noko må skje før eller seinare for passeringa av Sjøholt. Her går trafikken nært busetnaden, og fartsgrensa er nede i 50 og 60 kilometer i timen fleire stader.
Ei ny vegline nord for sentrum kan korte inn E39 med 5 minutt, heiter det i utgreiinga.
Bru over Julsundet
Vegvesenet presenterer også ei løysing for kryssing av Romsdalsfjorden. Her peikar dei på tunnel og bru over Julsundet. Dette inneber bygging av Noregs lengste hengebru så langt. Vegvesenet ser på dette som mogleg med dagens teknologi.
Spart reisetid her er rekna til 41 minutt. Sjølve fjordkryssinga er kostnadsrekna til 10 milliardar kroner, og med tilførselsvegar og andre kostnader kjem dette opp i 16,3 milliardar kroner.
- Les også:
- Les også:
Se HELE saken her:
Byprosjekt i Molde
Uavhengig av fjordkryssing er det behov for å løyse trafikkproblema i Molde. Ein bytunnel kan vere aktuelt. Vegvesenet vil avvente arbeidet med ein bypakke i Molde for å få avklart kva tiltak som skal setjast i verk.
- Les også:
- Les også:
Lønset–Hjelset
Strekninga Lønset–Hjelset har mange avkjørsler og nedsett fartsgrense. Her vil vegvesenet byggje ny ved nord for den eksisterande vegen.
Batnfjordsøra
Det er nedsett fartsgrense i Batnfjordsøra og fleire kilometer sør for sentrum. Vegvesenet vil flytte vegen til dalbotnen. Dette skal korte ned reisetida vesentleg.
Kryssing av Halsafjorden
Vidare må Halsafjorden kryssast. Her går innstillinga ut på at det skal byggjast bru. Vegvesenet omtalar dette som eit hengebrukonsept som ligg i utkanten av det som blir rekna som mogleg i dag.
Hengebru er ei kostbar løysing, og denne hengebrua ligg på den strekninga som har lågast trafikk. I første fase er det mest aktuelt med ei innkorting av dagens ferjesamband, skriv vegvesenet. Kryssinga er kostnadsrekna til 6,8 milliardar kroner.
- Les også: