Gruppeleiar Jan Henning Egset i Volda Arbeidarparti er svært fornøgd.
– Dette er kjempebra. Vi hadde venta ei løyving på 64 millionar kroner. No fåår vi 124 millionar kroner. Dette prosjektet blir no sett i gang med fyll tyngde, seier Egset.
Kvivsvegen
Rassikringa av Hjartåberga har samanheng med det store vegprosjektet Kvivsvegen på grensa mellom Sunnmøre og Sogn og Fjordane. Hjartåberga er eit rasutsett område ved Austefjorden i Volda. Trafikken her kjem til å auke vesentleg når Kvivsvegen blir opna.
– No får vi ein rassikker veg frå Volda på Sunnmøre til Grodås i Sogn og Fjordane, seier Jan Henning Egset.
