Patrick Bjørnland Larsen gir full gass, og no seier han rett ut at han vil bli best i verda.
I terrenget og på berget terpar sunnmøringen på detaljane som skal føre han frå europatoppen for junior og inn i verdseliten.
Vi møter han i intens og målretta trening på motorsportsenteret til Skodje Trialklubb på Håhjem.
Etter gull i junior-EM, set Patrick Bjørnland Larsen seg endå høgare mål.
Foto: Hans-Olav Landsverk / NRKHevar ambisjonane
I trialsporten handlar det om å halde seg på sykkelen. Ein fot i bakken eller ein velt gir prikkar.
Det er kort veg frå suksess til fiasko, men denne sesongen har 16-åringen vore stabil og vunne dei store meisterskapa.
– Neste år skal eg køyre VM-rundar, og på sikt skal eg heilt opp i verdstoppen.
Han har halde på sidan treårsalderen. No satsar 16-åringen for fullt på ein internasjonal karriere.
Foto: Hans-Olav Landsverk / NRKVar på TV som treåring
Allereie som treåring var Larsen i full gang. I eit TV-innslag på NRK i 2012 imponerte han med ferdigheitene sine. Då hadde han nettopp tatt av støttehjula!
I dette Norge Rundt-innslaget frå 2012 møter vi Patrick Bjørnland Larsen, som allereie då utmerka seg i trialmiljøet.
Tretten år seinare er guten på veg inn i det internasjonale toppsjiktet. Familien køyrer opp mot førti tusen kilometer i året i samband med trial-satsinga. Faren Kenneth Urke Larsen er begeistra over det sonen har fått til.
– Det er heilt rått. Han er flink til å trene, og han gjer den jobben som må til for å bli god.
Mora Chanielle Bjørnland, faren Kenneth Urke Larsen og broren Philip (t.h.) er viktige støttespelarar i trialsatsinga.
Foto: Hans-Olav Landsverk / NRKEuropameisteren har ingen planar om å gi seg. Han har ein draum han håper å få realisert ein dag:
– Det gjeld å setje seg høge mål. Eg vil bli best i verda!
Slik ser det ut når europameister Patrick Bjørnland Larsen trenar.
