Møreaksen arbeider for eit ferjefritt samband frå Sunnmøre til Romsdal og vidare nordover.
I fylkestinget neste år
Generalforsamlinga har vedteke at aksjekapitalen skal aukast med mellom 2,5 og 7 millionar kroner. - Vi kjem nokså snart til å gå ut til bedrifter og kommuner og be dei skyte inn pengar i prosjektet, seier styreleiar i Møreaksen og ordførar i Midsund Helge Orten.
- Møreaksen treng meir pengar fordi det er mykje grunnlagsarbeid som må gjerast i tida framover. Norsk transportplan skal rullerast, og i april 2008 skal saka opp i fylkestinget, seier Orten.
Alternativ
Alternativa for korleis vegsambandet skal gå, teiknar seg no nokså klart, meiner Helge Orten. Møreaksen har valet mellom ei ytre linje med fjordkryssing i tunnel mellom Brattvåg og Dryna og ei indre linje med tunnel under Tautra. Det er tre alternativ for kryssing av Julsundet: bru, tunnel eller ein kombinasjon av bru og tunnel.
