På tysdag i veka som kjem overleverer Statens Vegvesen sine faglege tilrådingar, for E39 mellom Skei i Jølster og Valsøya i Halsa, til samferdsleminister Magnhild Meltveit Kleppa i Ørsta.
Konseptvalutgreiingane for strekningane E39 Skei – Ålesund, E39 Ålesund - Bergsøya, E39 Bergsøya – Valsøya er no ferdig.
Det er knytta spenning til kva vegdirektør Terje Moe Gustavsen presenterer i den såkalla konseptutvalutgreiinga (KVU) for E39.
LES ÒG:
Ventar på signal
Leiar av samferdsleutvalet i Møre og Romsdal, Oddbjørn Vatne frå Senterpartiet, har store forventningar til konseptutvalutgreiinga.
– Det må ligge ein optimisme i dette her og det må ligge signal om at me får løyst dette her med ferjefri kyststamveg i løpet av ein rimeleg kort periode. Eg tenkjer meg ein 20-års periode, seier Vatne.
– Kva konkret trur du me får vite når dei faglege tilrådingane vert langt fram?
– Me får vel konkret vite noko om dei to nordlegaste fjordkryssingane våre, der får me noko vite kva som vert vald. Eg håpar dei er rimeleg konkrete i framlegga sine der.
LES ÒG:
– Må innhalde plan for økonomisk satsing
Mest av alt håper Vatne at utgreiinga innheld planer for det økonomiske.
– Det vert rimeleg avgjerdane å finna ei finansieringsløysing som er anleis enn det me normalt har på vegane, og det gjeld særleg dette med fjordkryssingar.
Samferdselsministeren mottar forslaga i Ørsta på tysdag. Etter det blir dei sendt ut på ei høyringsrunde.