Wham-klassikar blir romantisk komedie

Wham-låten «Last Christmas» frå 1984 blir film med «Game of Thrones»-stjerna Emilia Clarke i hovudrolla. Filmen får premiere før jul neste år.

Emilia Clarke

Den britiske skodespelaren Emilia Clarke er kanskje best kjent for rolla ho spelar som Daenerys Targaryen i HBO-serien «Game of Thrones». No skal ho spele i den romantiske julekomedien «Last Christmas», som baserer seg på Wham-låten med same namn.

Foto: CHRIS DELMAS / AFP

Vi går straks inn i ei tid med sesongbasert musikklytting. Dei neste vekene kjem julemusikken til å strøyme ut frå radioar, kjøpesenter og strøymetenestar. Ei av dei julelåtane som kjem til å gå på tung rotasjon er Whams juleklassikar «Last Christmas» frå 1984.

No blir det laga ein romantisk komedie basert på songen, skriv Variety. Filmen skal etter planen ha verdspremiere 15. november neste år. Hovudrollene blir spelte av Emilia Clarke, kanskje mest kjend som Daenerys Targaryen i HBO-serien «Game of Thrones», og Henry Golding, som blant anna har spelt i filmen «Crazy Rich Asians».

Henry Golding

Den britisk-malaysiske programleiaren og modellen Henry Golding har fått fart på skodespelarkarrieren det siste året. Han har blant anna spelt i den kritikarroste filmen «Crazy Rich Asians».

Foto: Evan Agostini / AP

Paul Feig, som tidlegare har regissert blant anna «Ghostbusters» og «Bridesmaids», skal regissere og produsere filmen. Emma Thompson, som blant anna spelte i den romantiske julekomedien «Love Actually», og komikaren Bryony Kimmings skriv manuset.

Romantisk jul

Handlinga i musikkvideoen frå 1984 skildrar eit trekantdrama mellom George Michael, Andrew Ridgeley og modellen Kathy Hill. Rollene til Hill og Michael har vore i eit forhold tidlegare. Når vennane møtest til julefeiring i dei sveitsiske alpane, har Hill og Ridgeley funne tonen, medan Michael syng at han framleis elskar Hill.

Videoar frå Youtube kan innehalde reklame før videoen startar.

Det har ikkje kome så mykje informasjon om handlinga i filmen, men ifølgje Variety spelar Clarke rolla som Kate. Ho jobbar som alv i ein heilårs julebutikk i London. Ein dag kjem kjekkasen Tom, spelt av Golding, inn i livet hennar.

Eit London som pyntar seg til jul har vist seg som ei vinnaroppskrift tidlegare. «Love Actually» har blitt ein juletradisjon for mange. Både Jens Stoltenberg og Torbjørn Røe Isaksen har sagt at dei er fans. Kong Harald siterte også filmen då prins William og hertuginne Kate var på besøk i Noreg tidlegare i år.

Klarert med Michael

Ideen om å lage film basert på «Last Christmas» kom for fleire år sidan. George Michael, Emma Thompson og mannen hennar, skodespelaren Greg Wise, laga eit utkast som dei viste til Bryony Kimmings.

– Då eg blei med, var George veldig klar for prosjektet. Han hadde allereie signert papir som gav klarsignal. Men så døydde han. Men Greg og Emma hadde veldig lyst til å halde fram, seier Kimmings i eit intervju med Radio Times.

George Michael

George Michael døydde første juledag i 2016. Men då hadde han allereie gjeve klarsignal til å lage film basert på juleklassikaren han skreiv i 1984. I filmen blir det også ny musikk frå den døde artisten.

Foto: Francois Mori / AP

I tillegg til tittellåten, byr filmen også på ny musikk frå George Michael, skriv Variety. Michael døydde første juledag i 2016, 53 år gamal. Han hadde spelt inn mykje musikk som enno ikkje er publisert i tid før han døydde.

Kulturstrøm

  • Hyllet Chris Cornell med konsert

    Metallica (bildet), Foo Fighters og Miley Cyrus var blant artistene som hyllet vokalisten Chris Cornell med en fem timer lang konsert i Los Angeles i går kveld, skriver The Independent. Den avdøde vokalisten var frontfigur i bandet Soundgarden, som dominerte rocken på 1990-tallet og ble sjangerdefinerende for grungerocken.

    Metallica
    Foto: MARIO ANZUONI / Reuters
  • «Størst av alt» til Berlinalen

    Den norske regissøren Per-Olav Sørensen (bildet) skal delta i Den Internasjonale filmfestivalen i Berlin med den svenske Netflix-serien «Störst av alt», som på engelsk heter «Quicksand». Serien er basert på Malin Persson Giolitos krimroman med samme navn. Handlingen tar utgangspunkt i en masseskyting ved en skole i Stockholm. «Størst av alt» viser at det går fortsatt an å skrive krim som ikke ligner på noe annet, mente NRKs litteraturkritiker om boken da den kom ut i Norge. De to første episodene av TV-serien skal vises i Berlinale Series.

    Per-Olav Sørensen
    Foto: Heiko Junge / NTB Tema
  • «Dukkens rette eier» prisbelønnet

    Ingunn Aamodts bok har fått Barnas bokpris 2018. Det handler om en dukke som lar eieren oppleve det samme som dukken. Boken er med i «Marg og bein»-serien og en oppfølger til «Dukken», som kom ut for åtte år siden. Aamodt sier i en pressemelding fra forlaget Cappelen Damm at hun mener prisen ikke er bare til hennes bok, men også viser at barna fortsatt elsker grøss. Leserjuryen består av barn. (NTB)

    Barneboken Dukkens rette eier
    Foto: Cappelen Damm

Flere kulturnyheter