Ukrainsk media svarer om Eurovision-bråket

Den ukrainsk statlige allmennkringkastaren UA:PBC tek til motmæle mot truslane om mogleg utestenging frå Eurovision. «Respekter Ukrainas suverenitet», skriv medieselskapet i eit offentleg utsegn.

Ukraine Eurovision Russia Yulia Samoylova

UTESTENGT: Den russiske artisten Julija Samojlova får ikkje delta i Eurovision i Kiev.

Foto: Maria Antipina / AP

Den russiske artisten Julija Samojlova blir nekta av Ukraina å delta i årets Eurovision-konkurranse som blir arrangert i Kiev.

Årsaka er at Samojlova opptredde på Krimhalvøya i 2015, etter at Russland annekterte landsdelen frå Ukraina. Ifølge ukrainske styresmakter har ho brote ukrainsk lov fordi ho reiste til Krimhalvøya utan tillating frå Ukraina og fordi ho reiste dit via Russland.

Skarp kritikk

Den ukrainske sikkerheitstenesta (SBU) har forbode Samojlova å reise inn i landet i tre år. Dermed blir det vanskeleg for henne å framføre songen «Flame is burning», som er Russlands utvalde bidrag i år.

Sjefen for EBU (Den europeiske kringkastingsunionen), Ingrid Deltenre, skrev i førre veke eit brev til den ukrainske statsministeren, at Ukraina kan bli kasta ut av melodikonkurransen dersom Russland ikkje får vere med.

Nå rettar det ukrainske medieselskapet UA:PBC skarp kritikk mot EBU.
I ein offentleg utsegn skriv medieselskapet at Ukraina har vore medlem i EBU og delteke i Eurovision lenge, og at dei ukrainske deltakarane «alltid har respektert vertslanda sine lovar og reglar», skriv SVT.

Julija Samojlova

Julija Samojlova, som har sete i rullestol sida ho var barn, song under opninga av Paralympics i Sotsji i 2014.

Foto: Ekaterina Lyzlova / AP

Leitar etter løysing

Det ukrainske medieselskapet reagerer kraftig på EBU si oppførsel og er kritiske til at EBU uttrykker seg på denne måten overfor Ukraina og ikkje mot Russland. Dei skriv at dei ser på dette som ein motsetning til det «ikkje-politiske» ESC.

– Vi ber EBU om å respektere Ukrainas suverenitet og at dei avstår frå å gjere EBU til eit instrument for politisk manipulering, skriv UA:PBC.

Medieselskapet ber også om at EBU unngår truslar om mogleg utestenging av Ukraina i Eurovision song contest

EBU: – Gjer det me kan

EBU seier til SVT at dei gjer det dei kan for å finne ei løysing slik alle dei 43 landa får delta i Eurovision i mai.

– Vår høgste prioritering er å skape eit spektakulært Eurovision song contest i samarbeid med vårt medlem UA:PBC i Kiev i mai, understrekar EBU.

Kulturstrøm

  • Netflix på shopping i Cannes

    Strømmetjenesten har sikret seg rettighetene til flere av filmene under årets filmfestival i Cannes. Nå har de også kjøpt visningsrettigheter til to av prisvinnerne, nemlig «Atlantics», som vant Grand Prix-prisen og «I Lost My Body», som vant en av kritikerprisene. Dette skjer samtidig som at ingen filmer får delta i konkurransen i Cannes uten å ha kinovisninger i Frankrike.

  • Kusama-skulptur på plass i Norge

    Nordens største verk av den populære «prikkekunstneren» Yayoi Kusama kom søndag på plass på Kistefos-Museet på Jevnaker, melder NTB. Verket heter «Shine of Life», og er laget spesielt for Kistefos med inspirasjon av naturen, vannet og industrien rundt. «Shine of Life» er én av tre nye skulpturer som skal inn i skulpturparken med over 40 verk.

    Yayoi Kusamas "Shine of Life"
    Foto: Einar Aslaksen / Kistefos / NTB scanpix
  • Siktet for eldremishandling

    Manageren til Stan Lee, den avdøde skaperen av mange av Marvels superhelter, er arrestert, siktet for eldremishandling. Keya Morgan anklages for svindel, tyveri, økonomisk utnyttelse og for å ha holdt en eldre person avstengt fra omverdenen. Påtalemyndigheten mener at manageren sikret seg en råderett over Lees kapital som han ikke hadde myndighet til. Det skriver VG, som siterer ABC News, NBC og Los Angeles Times.

    Keya Morgan og Stan Lee
    Foto: Jordan Strauss / AP