Stadig fleire av oss ønsker å sjå tv-programma når vi vil, og ikkje la sendeskjemaet til kanalane bestemme. Mange har også skaffa seg abonnement til ein eller fleire strøymetenester, som Netflix og HBO.
Det har fått tv-kanalane til å tenke nytt. Fredag presenterte NRK tv-hausten. Då kom det fram at program oftare enn før skal leggast ut på nett-tv før dei går på vanleg tv. Kringkastingssjef Thor Gjermund Eriksen sa under presentasjonen at NRK gjer dette for å gi publikum større valfridom til å sjølve planlegge tv-kveldane sine.
Eksklusivt for nett
TV2 legg nye episodar av «Frikjent» ut på nett før serien går på tv.
Foto: Eirik Evjen / Miso FilmDå TV2 i mai offentleggjorde at dei ville spare 350 millionar kroner fram mot 2020, sa dei samtidig at dei ville satse meir på nett-tenesta TV2 Sumo. I haust kan du blant anna sjå nye episodar av «Frikjent» før dei går på tradisjonelt tv. Dei legg også ut alle episodane av den amerikanske serien «Vikings» før dei har gått på tv. I tillegg har du lenge kunne sjå neste episode av «Hotel Cæsar» dagen før han går på tv. Frå nyttår blir denne serien laga eksklusivt for nett.
- Les:
- Les:
Marcus og Martinus får eigen nettserie.
Foto: Junge, Heiko / NTB scanpixDiscovery, som blant anna eig TVNorge, Max og Eurosport, skal lage ein serie om dei populære artistane Marcus og Martinus. Denne skal visast berre på nett. I tillegg har dei nye episodane av «Åndenes makt» vore tilgjengelege på nett i sommar.
– Vi vurderer også fortløpande om andre program skal visast først på nett eller vanleg tv. I tillegg leikar vi oss med ulike måtar vi kan vere til stades på sosiale medium, seier mediesjef Hanne McBride i TVNorge og Discovery Networks.
Sjåarlekkasje
Kampanje-redaktør Hans Kristian Hauger.
Foto: KampanjeDen auka satsinga på nett-tv er ein naturleg konsekvens av tv-utviklinga dei siste åra, seier redaktør Hans Kristian Hauger i medienettstaden Kampanje:
– Dei siste åra har tv-kanalane sett at sjåarar har flytta seg frå store skjermar til nett og mobile skjermar. Når kanalane no gjer innhaldet meir tilgjengeleg, så er det ein måte å prøve å bøte på denne lekkasjen.
- Les:
Hauger trur vi kjem til å få ei utvikling der vi ser at fleire program kjem raskare på nett, og at vi i mange tilfelle også ser program som berre blir vist på nett. For tv-selskapa er dette ein måte å nå dei yngre sjåarane på. Han viser blant anna til NRK-serien «Skam» og TVNorge-serien om Marcus og Martinus som eksempel på seriar som blir laga eksklusivt for nettet.