Som vokalist i The Doors sette Jim Morrison merke etter seg i musikkhistoria. Han blir hugsa både som ein stor songar, tekstforfattar og sexsymbol. Men no må kanskje også legge spåmann til i lista, skal vi tru Rolling Stone.
Ein av journalistane til musikkmagasinet følgde Morrison ei veke i 1969. Dei snakkar blant anna om den populariteten han og bandet har oppnådd, om ting han skriv på, og at han også syslar med tanken om å prøve seg på film.
Spådde EDM
Men dei snakkar også om kva slags musikk han trur vil kome i framtida. Og då føreser han det vi i dag kjenner som elektronisk dansemusikk, EDM:
David Guetta er ei av dei store superstjernene innan EDM.
Foto: STEVE MARCUS / Reuters– Det som truleg kjem til å skje, er at det kjem ein briljant fyr og blir populær. Eg ser for meg ein einsleg artist med ein masse lydband og eit elektrisk tangentinstrument som har den same kompleksiteten og rikdomen som eit heilt orkester. Det er nokon der ute som jobbar i kjellaren med å finne opp ein heilt ny musikksjanger.
- Les også:
- Les også:
Han seier også at han trur det vil ta nokre år før dette skjer, men at han trur denne artisten blir veldig populær, og at han kan spele store konsertar og dansetilstellingar, ikkje berre på plate.
Ein leiande sjanger
Kygo har oppnådd stor suksess både innanlands og utanlands det siste året.
Foto: NRK P3Og i dag, 47 år seinare, kan det sjå ut til at visjonen til Morrison har slått til for fullt. Dei første spora av denne sjangeren, såg vi allereie eit tiår etter intervjuet med diskoen. Men i dag er EDM, som omfattar fleire dansesjangrar, dominerande på hitlistene.
Artistar som vår eigen Kygo, svenske Avicii og franske David Guetta fyller både dansegolva på nattklubbane og store konsertarenaer, og toppar store festivalar rundt om i verda. Så dominerande har sjangeren blitt, at enkelte har hevda at musikken er med på å truge mangfaldet.
- Les også:
For Kygo har dei siste månadane vore ein lang opptur. Han har blant anna spelt på Nobelpriskonserten, gjesta dei amerikanske talkshowa til Jimmy Fallon og Ellen DeGeneres, blitt kåra til «Årets spellemann», og pryda framsida til det amerikanske musikkmagasinet Billboard. Og over påske skal han spele på fleire store konsertarenaer i Europa.
