– Å tre inn i Jon Fosse si verd, er som å kome til eit lende prega av største uro. Hans rike forfattarskap kretsar rundt det mennesket sine vanskar med å finne ein veg i livet.
Slik opna professor Anders Olsson sin presentasjon av den norske forfattaren då det var Fosse sin tur på podiet.
Jon Fosse smilte då han fekk gratulasjon, medalje og diplom av Kong Carl Gustaf.
Foto: Claudio Bresciani/TT / NTBTil tonar av Mozart trødde Fosse og dei ni andre prismottakarane inn på det tradisjonsrike blå teppet som dekker podiet i konserthuset under utdelinga av nobelprisane.
Dette er den delen av nobelhelga sjølve beviset på nobelprisen vert overrekt av den svenske kongen. Utdelinga vert sett på som svært høgtideleg.
Jon Fosse venta nesten ein time før det var hans tur. Rundt halsen ber han beviset på at han er kommandør av den kongelege norske St. Olavs Orden, som han vart utnemnd til i 2005.
Foto: Silje Robertsen– På høgde med Grieg og Ibsen
Litteraturkritikar i NRK, Anne Cathrine Straume, følgde seremonien tett og var tydeleg rørt når det heile var over.
– Det var ein nydeleg tale, og det var så tydeleg at professor Anders Olsson personleg har eit forhold til Fosse sin forfattarskap, og samanfatta så mykje av Fosse sine kvalitetar.
Under seremonien vart Fosse hylla med musikk av Grieg og til tekst av Ibsen. Straume meiner Fosse no kan føye seg i rekka med slike namn.
– No er Fosse oppe på høgde med våre to store internasjonale kunstnarar, sa Straume om hyllesta.
NRK har ikkje fått ein kommentar frå Fosse om korleis han opplevde seremonien. Forfattaren har vore open om at han har grua seg til nobelhelga, men sa til NRK fredag at han kjende seg vareteken av svenskane.
Jon Fosse i eit eksklusivt intervju med NRK etter han hadde halde sitt nobelforedrag.
Fosse er heidersgjest på «festenes fest»
Sjølv om utdelingsseremonien no er overstått, er kvelden i Stockholm enno ung.
Klokka 19 skal prisvinnarane heidrast på det som blir kalla «festenes fest» – den store nobelbanketten til ære for årets vinnarar.
Inne i den gylne salen i Stockholms statshus er det 1300 inviterte gjestar.
ARKIV: Hjerneforskar May-Britt Moser fekk tildelt nobelprisen i medisin saman med ektemannen Edvard Moser i 2014. Under banketten vart ho plassert mellom Kong Carl Gustaf og prins Daniel.
Foto: Claudio Bresciani / NTB scanpixI tillegg til prisvinnarane og den svenske kongefamilien, skal også medlemmer av Svenska Akademien, regjeringa og forskarar frå heile verda delta på banketten.
Kulturminister Lubna Jaffery og Samlaget (Fosse sitt forlag) er blant dei inviterte.
Det er ein streng kleskode på banketten. Alle dei 1300 på gjestelista har i forkant motteke ein konvolutt som inneheld ei nøyaktig skildring av kleskoden.
Kulturministeren skal bruke Hardangerbunaden sin på banketten, medan Fosse (og alle menn) må halde seg til kjole og kvitt, slik han også gjekk kledd under utdelingsseremonien.
