Hopp til innhold

Girl in Red på Forbes-liste over 30 mest lovande i Europa

Norske Marie Ulven er nemnt som ei av dei unge lovande på den eksklusive lista til Forbes, «30 under 30».

Marie Ulev, Girl in Red, på scenen

LOVANDE: Marie Ulven, kjent under artistnamn Girl in Red, er på Forbes si liste over dei mest lovande talenta under 30 i Europa.

Foto: Lars Opstad / NRK

Det siste året har ho blitt hylla for musikken sin, og for å vera eit skeivt forbilde verda over.

No er Marie Ulven, kjend under artistnamnet Girl in Red, nemnt som eit av dei mest lovande, unge talenta i lista «Forbes 30 Under 30 Europe 2021 Entertainment List».

I 2018 slapp 22-åringen låten «i wanna be your girlfriend», som har over 150 millionar avspelingar på Spotify.

Hylla for openheit

Mykje av musikken til Ulven handlar om det å falla for ei jente. I haust fortalde NRK om at låten «I Fell in Love in October» etter kvart har blitt brukt som eit globalt kodespråk for å uttrykka at ein er skeiv.

Det amerikanske forretnings- og finanstidsskriftet Forbes skriv at artistane på lista deira banar veg for underrepresenterte grupper i europeisk musikk. Dei trekk mellom anna fram temaet mental helse, som er noko Ulven også er open om.

– Det var kult å høyra. Ho fortener absolutt den anerkjenninga. Sjølv om det kapitalistiske businessmagasinet Forbes kanskje ikkje er hennar drøyme-avsendar for ros og skryt, kan det neppe skada at fleire får auga opp for musikken hennar, seier musikkmeldar Espen Borge.

Ikkje utprega viktig for artistar

Borge trur ikkje at Forbes-lister er utprega viktige for artistar, men at det iallfall ikkje kan skada å bli nemnt i slike samanhengar.

– Ein får jo håpa at ho også er utvald med (iallfall delvis) bakgrunn i openheita si og engasjementet sitt for LHBTQ+-menneske. Sånn sett er det iallfall veldig gledeleg. Musikalsk synest eg Girl in Red har treft målgruppa si såpass bra på eiga hand at eg håpar og trur ho fortset som før sjølv om «corporate America» no også opnar armane sine for ho, avsluttar Borge.

Andre på lista er mellom andre den 25 år gamle skodespelaren Emma Corrin, som spelte Lady Diana Spencer i Netflix-serien The Crown.

Nordmann på lista over mest lovande idrettsutøvarar

Forbes listar også opp dei 30 mest lovande idrettsutøvarane under 30 år. Her er den norske handballspelaren, Stine Bredal Oftedal (29), nemnt. Oftedal er kaptein på det norske landslaget, og speler for handballklubben Györ i Ungarn.

Oftedal debuterte på det norske landslaget i 2010 og blei i 2019 kåra til verdas beste kvinnelege handballspelar for 2019.

Håndball VM kvinner Kumamoto Japan

Stine Bredal Oftedal

Foto: Vidar Ruud

ENDRING 08.04.21: Ved ein feil blei Christine Dancke sitert i denne saka. Rett kjelde er musikkmeldar Espen Borge.

Kulturstrøm

  • Skuespiller Per Jansen er død

    Skuespilleren Per Jansen er død, 80 år gammel. Han døde etter kort tids sykeleie.

    Per Jansen var ansatt ved Nationaltheatret fra 1985 og fram til han gikk av med pensjon i 2011.

    Ifølge familien døde han etter kort tids sykeleie, og han vil bli dypt savnet, skriver Nationaltheatret i en pressemelding.

    Per Jansen spilte i mange forskjellige roller, fra Peer i Peer Gynt i 1990, før det Vladimir imens vi venter på Godot i 1986, soloforestillingen Kontrabassen i 1988. Hans avskjedsforestilling var som Paul i Minus 2, en rolle han spilte med datteren Ine Jansen i 2011 og 2015.

    (NTB)

    Meyl6yrcp8E
    Foto: Heiko Junge / NTB
  • «Døden på Oslo S» blir teater

    Nationaltheatret skal lage musikal av Ingvar Ambjørnsens ungdomsroman «Døden på Oslo S» frå 1988.

    Premiere blir våren neste år på det nedlagde kjøpesenteret på Økern, opplyser teateret i ei pressemelding. Aksel Hellstenius har skrive manus, medan Frank Hammersland har skrive musikken. Simen Formo Hay skal ha regien.

    Romanen blei også filmatisert i 1990 med Håvard Bakke og Tommy Karlsen i rollene som Pelle og Proffen.

    Det er foreløpig ikkje avgjort kven som skal spele rollene når romanen blir teater.