Sommaren er høgsesong for late dagar, og gode bøker. Marta Norheim er bokmeldar i NRK, og deler sine beste bøker med deg her. Med dette lesestoffet i strandbagen, har du mykje å kose deg med.
Det beste frå i år
Har du ikkje fått tid til å lese så mange av bøkene som har kome ut i 2009, kan dei følgjande fem bøkene vere ein god plass å starte.
Den prislønte finsk-estiske forfattaren Sofi Oksanen sin første roman,
, kom ut på norsk i år. Dette er ein djupt original roman om estisk historie og anoreksi, med skam som ein raud tråd gjennom historia.Om du heller vil drøyme deg vekk til andre verdsdelar og andre tidsepokar, kan du kaste deg over romanen
av den indiske forfattaren Amitav Ghosh.Marta Norheim er full av lovord om boka:
- Opiumskrigane vert sett frå indisk side, gjennom eit svært fargerikt persongalleri, fortel ho.
Atle Næss sin roman
er ein studie i framveksten av kapitalismen. Dette er ein kunnskapsmetta roman om krydder, kolonialisme og kjærleikOm du kjenner for litt motstand, kan du finne fram Anne Oterholm sin nyaste roman
. Dette er ein svært ubehageleg roman, men slett ikkje dårleg. Ein tilsynelatande enkel roman om ein far og to søner, men her krevst aktiv lesing for å få fullt utbyte.Vert det for mykje med berre romanar, anbefaler Marta Norheim den vesle boka til Inghill Johansen. Lengda på tekstane i
varierer fra ei halv side til over ti sider. Dei lengste er små historier eller noveller, medan dei kortaste er nærmar seg poesi.
Fleire gode bøker
Om bøkene frå i år alle er utlånte frå biblioteket, finst det mange godbitar frå nokre år tilbake.
J.M. Coetzee sin roman Vanære er ei desillusjonert historie frå det nye Sør-Afrika. Romanen Vanære fekk Bookerprisen i 1999, og J.M. Coetzee fekk Nobelprisen i litteratur i 2003.
Anne Proulx er kanskje mest kjend for den filmatiserte novella Brokeback Mountain. I 2006 kom novellesamlinga Ville veier - Nye historier frå Wyoming.
Forfattaren Pramoedya Ananta Toer sat mange år i fangenskap på Buru-øya. Notatane frå denne tida, skribla ned på sigarettpapir og lappar, vart til fire romanar kalla Buru-kvartetten. Dette er moderne indonesisk historie i romanform.
A.S.Byatt sin roman Besettelse (1990) gjev deg lidenskap og kjærleik på mange nivå, ikkje minst på det litterære.
Ein ung libanesisk mann spionerer på kjærastar i skogen, og som etterpå må ta konsekvensane . Finn ut korleis det går i Elias Khoury sin roman
- Del dine gode leseopplevingar med fleire her!