Medietilsynet meldte raskt frå om at dei ville vurdere om Bevar Hardanger-reklamen som
. Seks månader seinare har tilsynet enno ikkje fatta eit vedtak.– Det er ein del ulike moment som eg ikkje kan kome inn på. Men jussen er ikkje den aller enklaste, det er ein del vurderingar vi må ta, seier direktør for konsesjon og tilsyn i Medietilsynet, Gudbrand Guthus.
Politisk motiv
Folkeaksjonen «Bevar Hardanger» innrømte at dei hadde eit klart politisk motiv med reklamen. Dei vil stoppe den planlagde kraftlinja langs Hardangerfjorden.
– Det er eit forbod mot reklame for politiske parti, men også for politisk bodskap. Det er hovudregelen slik han er i dag, sa Guthus til NRK i desember.
Likevel har Medietilsynet ikkje klart å kome fram til ein konklusjon i denne saka enno.
- LES ÒG:
- LES ÒG:
- LES ÒG:
Førsteamanuensis ved Universitetet i Bergen Jens Kjeldsen meiner det kjem klart fram at dette er ein politisk reklame, sjølv om han ikkje vil vurdere det frå eit juridisk perspektiv.
– Ut ifrå eit kommunikasjonssynspunkt er det ikkje spor vanskeleg å sjå at dette er ei politisk reklame, seier Kjeldsen.
Set standarden
Kjeldsen meiner at dersom ein skal tillèt denne reklamen, eller forbyr den, så har ein samstundes skrive retningslinjene for korleis dette skal tolkast i framtida.
– Og der er problemet, viss ein tillèt denne reklamen må ein nesten også tillate partipolitisk reklame, seier Jens Kjeldsen.
- LES ÒG:
- LES ÒG:
Debatten rundt politisk reklame har gått sidan menneskerettsdomstolen i Strasbourg i 2003 avgjorde at TV Vest ikkje braut det norske forbodet mot politisk reklame på fjernsyn, då dei sendte reklame for Pensjonistpartiet. Tolkinga av denne dommen er omstridd.
- Dommen i Strasbourg seier at Noreg ikkje med lov fasthalde eit forbod mot politisk reklame. Då er det ikkje nokon gråsone, då er i prinsippet alt tillate. Om ein sel vaskepulver eller vil opplyse folk om ei politisk sak, så har ein lov til å gjere det, meiner Kjeldsen.
– Strid mot ytringsfridomen
Også Kyrre Eggen, som var advokat for TV Vest i 2003, meiner at dommen seier politisk tv-reklame er lov.
- Etter mitt syn er det klart at dommen inneber at det ikkje er akseptabelt med forbod mot politisk reklame. Det som er akseptabelt er at ein kan setje avgrensingar i forhold kor mykje pengar ein aktør kan bruke, seier Eggen.
– Meiner du at Kulturdepartementet burde gå inn og regulere dette?
– Dei burde regulere det på ein måte som er i samsvar med ytringsfridomen, ikkje som no, på ein måte som er i strid med ytringsfridomen.
Uoversiktleg og uklart
Medietilsynet innrømmer langt på veg at det norske lovverket rundt politisk tv-reklame er uoversiktleg og uklart.
– Vi må sjå på praksisen og regelverket. Både praksis frå Noreg og frå Europa, det er mykje regelverk vi må ta omsyn til, seier Gudbrand Guthus i Medietilsynet.
Mediestilsynet håper at dei skal vere ferdig med saka i løpet av mai.