Hopp til innhold

Politiijat gudde akšunisttaid olggos ihkku: – Máŋggas čirro

Politiijat ja vávttat čilgejit iežaset beale áššis goalmmát diggebeaivvi Oslo diggegottis, Fovse-aktivisttaid diggeáššis.

Elle Rávdná Näkkäläjärvi bæres ut av OED i forbindelse med Fosenaksjonen.

Politiijat gudde Elle Rávdná Näkkäläjärvvi olggos Oljo- ja energiijadepartemeanttas ijahihkku guovvamánu 27. beaivvi 2023.

Foto: Rasmus Berg / NU

Les saken på norsk.

– Vásihin ahte aktivisttaide lei šohkkan go mii bođiimet ihkku. Máŋggas čirro.

Dan dadjá politiijabálvá Mikael Dellemyr dikkis gaskavahku. Son lei dáhpáhusjođiheaddji go Fovse-aktivisttaid gudde olggos Oljo- ja energiijadepartemeanttas (OED).

– Go geahčan ášši olggul, de lea dá ášši man sii vásihit unohassan ja váivin, lasiha Dellemyr.

Les også Eai beassan bissetkeahttá čilget iežaset áššiid sámegillii dikkis: – Badjelgehččet min giela

Mihkkal Hætta

Aktivisttat reagerejedje go ihkku bohte guoddit sin olggos

Áššáskuhtton aktivisttat čilgejedje árabut dikkis ahte sin mielas lei politiijaid beales árgges dahku sin guoddit olggos ijahihkku journalisttaid dieđekeahttá.

– Stáhta ii duotto gávttehasaid oaidnit go politiijat guddet sin olggos. Danin dat dáidá ihkku dáhpáhuvvan.

Dan dajai Rasmus Berg go čilgii ášši iežas bealis dikkis. Son lei okta dan 13 aktivisttas, geat demonstrerejedje OED:s duorastaga guovvamánu 23. beaivvi rájes gitta dassážii go politiijat gudde sin olggos ihkku guovvamánu 27. beaivvi.

– Lea fápmu govain main oidno go olbmot guddojit eret. Lei árgges dahku go bohtet ihkku, lasihii Ole Dolmseth.

Dikkis bođii ovdan ahte departemeantta Bálvalus- ja dorvoorganisašuvdna (DSS) dat dáhtto politiijaid viežžat sin eret doppe. Dat bivdda bođii politiijaide dii. 23.

– Vuossárgga iđida rájes ledje dieđihan stuorit demonstrašuvnnaid, čilge DSS váktajođiheaddji Terje Ole Amundsen.

Iežas čilgehusas dadjá Amundsen ahte vuossárgga galge akšuvnnat viidut, ja bargit galge fas boahtit bargui maŋŋá dálveluomu ja sihkarvuohta.

– Vuossárga lahkonii, ja danin bođii mis diekkár bivdda.

Fosen-aksjonistene ser på politibetjenten forklare seg i Oslo tingrett.

Politiijat deaivvadit akšunisttaiguin dikkis ja čilgejit iežaset beali áššis.

Foto: Håkon Mudenia / NRK

Politiijat bokte akšunisttaid

Maŋŋá go politiijat ledje árvvoštallan bivdaga, de mearridedje ahte politiijat galge veahkkin aktivisttaid eret sirdit OED vuostáiváldimis.

– Mii leimmet báikkis dii. 01.30. Aktivisttat ledje oađđimin, ja mii dat bovttiimet sin, čilge dáhpáhusjođiheaddji.

Dellemyr bivddii aktivisttaid vuolgit eret vuostáiváldimis 15 minuvttas.

– Máŋggas čirro ja reagerejedje dasa man áiggi mii bođiimet.

Aktivisttat lohke iežaset vásihan ahte politiijat heađuštedje sin cealkinfriddjavuođa, go sidjiide ii addon áigi mediain váldet oktavuođa.

– Mii eat háliit cealkinfriddjavuođa ovdii boahtit. Mii háliidat dušše čuovvut dan gohččuma maid leat ožžon. Dasto ožžo sii lasi 30 minuvtta, lasiha Dellemyr.

Dii. 02.30 de gudde politiijat aktivisttaid olggos ja dolvo sin politiijastašuvdnii namaid čálihit, ja de besse fas vuolgit.

– Mii galgat deaivat bargat riekta dan mii guoská min bargui. Mii eat galgga maidege oaivvildit sin čalmmustahttimiid hárrái Mii galgat dahkat iežamet barggu nu bures go sáhttit.

– Ain eanebut livčče sáhttán váidot

Nu go ledje dieđihan, de viiddiduvvojedje miellačájeheamit vuossárgga guovvamánu 27. beaivve.

– In leat 19 jagis dáhpáhusjođiheaddjin dán mađe stuorra miellačájehemiid vásihan.

Dan dadjá Tore Barstad, Oslo politiijaguovllu politiijabajitbálvá iežas čilgehusas.

– Ain eanebut livčče sáhttán váidot.

Barstad lei ovttas Eirik Hestvikain dáhpáhusjođiheaddjin dalle go aktivisttaid válde gitta.

Miellačájeheamit biste dassážii go stáhtaministtar Jonas Gahr Støre mieđihii ahte Fovses dáhpáhuvvá olmmošvuoigatvuođarihkkun.

Geahččaleimmet giddet stáda, go cakkaimet máŋga departemeantta oktanaga, čilgii Ella Marie Hætta Isaksen rievttis vuossárgga.

Les også Fovse-akšunisttat dikkis: – Balan ahte eat dahkan doarvái

Ella Marie Hætta Isaksen

Válde sin fárrui báljes giddagaslatnja

Politiijat háliidedje dahkat vejolažžan čađahit miellačájehemiid seammás go gudde akšunisttaid eret departemeantta uvssaid ovddabealde.

Min lahkoneapmi doaimmai hejot, dadjá Hestvik dan gáibideaddji dili birra.

Politiijat veardidedje ahte fertejit bidjat johtui garraset doaibmabijuid.

24 jagi politiijabarggus in leat vel vásihan ná várrogas ja gierdevaš lahkoneami akšunisttaide go Fovse-áššis, lasiha Hestvik.

Duorastatiđit, njukčamánu 2. beaivvi, ožžo politiijat ávžžuhusa DSS:s guoddit akšunisttaid eret Finánsadepartemeantta uvssaid ovddabealde.

Dáhpáhusjođiheaddji Hestvik bivddii aktivisttaid ieža guođđit sisaboahtima, ja ahte sii soite váldot fárrui báljes giddagaslatnja jus eai čuožžilan.

Sii deaivvadedje vuohkkasit minguin. Mii hálešteimmet singuin njunnálaga.

Muhto akšunisttaid eai lihkestan ja sii šadde vuolgit fárrui arrestii, gos čálihedje sin sisa ja doalahedje sin giddagasas sullii njeallje diimmu.

Mun háliidin dahkat buot mii lei mu fámus vai oččošeimmet fuomášumi, ja dan dahken demonstreremiin, ja dan háliidin dahkat nu guhká go vejolaš.

Dan dajai Ayla Hætta Isaksen rievttis. Son lea okta viđa aktivisttas geat leat áššáskuhtton vearredagu ovddas olggobealde Finánsadepartemeantta.

Bearjadat iđit loahpahuvvoje miellačájeheamit ja akšunisttaid čađahedje lobálaš čalmmusteami olggobealde gonagasa stáhtaráđi.

Korte nyheter

  • Meahccebuollin várra stuorra osiin Davvi-Norggas

    Les på norsk:

    Sotnabeaivvi rájes lea báikkálaš várra suoidne- ja daŋasbuollimii Nordlánddas, Romssas ja Finnmárkkus. Meteorologalaš instituhtta sádde danne fiskes várrehusa.

    Goike guovlluin sáhttá šaddogeardi álkit buollát, danne ferte leat várrugas dolain. Dán ávžžuhit meteorologat.

    Várrehus gusto dassážii go arvá doarvái.

    Farevarsel 20. juli
    Foto: Meteorologene
  • Fortsatt utfordringer på noen apoteker etter globalt IT-kaos

    Noen apoteker sliter ennå med ettervirkninger av det massive IT-kaoset som oppsto fredag.

    Blant norske apoteker gikk IT-skandalen spesielt ut over apotekkjeden Apotek 1. Fredag måtte de stenge alle sine filialer, men de kom etter hvert opp igjen i drift.

    – De fleste Apotek1 apotek har tjenester som normalt, og for de apotekene der det fremdeles er utfordringer har Apotek 1 satt inn nødvendige tiltak for å sikre tilgang til medisiner, opplyser enhetsleder Kristine Romøren i Direktoratet for medisinske produkter til NTB lørdag formiddag.

    A sign notifies customers of a temporary closure due to IT issues at a Liquorland store in Canberra

    Alvorlige dataproblemer rammet hele verden: «Historiens største IT-kollaps»

    Alvorlige dataproblemer rammet systemer over hele verden fredag. Crowdstrike sier nå at problemet er løst.