I eit brev til Statsråd Robert Eriksson oppmodar dei til endringar i dagens permitteringsreglar og tilførsel av ekstraordinære midlar til NAV.
Endringane i permitteringsregelverket frå 1. juli 2015 medfører redusert arbeidsgivarperiode frå 20 til 10 dagar og ei auka periode med rett til dagpengar frå 26 til 30 veker i løpet av ei periode på 18 månader.
– Det er eit steg i riktig retning, men utfordringane i den maritime næringa krev lengre permitteringsperiodar, seier regiondirektør Torill Ytreberg i NHO.
- Les også:
- Les også:
Fryktar relevant kompetanse forsvinn
Omtrent 100 000 menneske jobbar i den maritime næringa i Noreg, men talet er i ferd med å bli kraftig redusert. Den siste tida har ein rekke reiarlag måtte permitter eller seie opp tilsette på grunn av låge oljeprisar og sviktande marknadssituasjon i den maritime næringa.
– Dersom nedturen i oljenæringa blir langvarig, vil bedriftene i den maritime næringa truleg kome i den situasjonen at dei må kvitte seg med arbeidskraft som dei vil få bruk for i eit lengre perspektiv, seier Ytreberg.
Den maritime næringa er i all hovudsak distriktsbasert, og Ytreberg meiner det er kritisk både i forhold til enkeltpersonar, lokalsamfunnet, bedriftene og bransjen elles.
Terje Høybakk, dagleg leiar i Maritim Forening Søre Sunnmøre, fryktar at relevant arbeidskraft vil gå tapt dersom det ikkje skjer ei endring.
– Når vi må permittere eller seie opp tilsette mistar vi fagleg kompetanse. For å behalde desse treng ein permitteringsreglar som gjer det mogleg. Det er veldig viktig for bedriftene, seier han.
- Les også:
Behov for kurs og etterutdanning
NHO-direktøren meiner at NAV's regelverk ikkje er tilpassa den situasjonen som bedriftene no står i.
Dersom permitterte tilsette får tilbod om relevante tidsavgrensa kompetansetiltak eller etter/vidareutdanning som går ut over 3 månaders grensa, vil dei miste retten til dagpengar.
Ytreberg meiner at NAV bør få ekstra midlar som kan brukast til relevant vidareutdanning av permitterte tilsette.
– I staden for at dei tilsette skal gå lenge utan arbeid, meiner vi det er viktig å bruke denne tida på kompetansehevande tiltak som kurs og etterutdanning, seier ho.
- Les også:
- les også: