Kevin Vågenes testar ut nye figurar til «Parterapi»

Den tredje sesongen av humorserien «Parterapi» kjem på NRK til hausten. Serieskapar Kevin Vågenes viser no fram det som kan bli ein av dei nye figurane på Instagram.

Kevin Vågenes Parterapi

NY I TERAPI: Kevin Vågenes er i gang med innspelinga av den tredje sesongen av «Parterapi», som kjem på NRK til hausten. Denne førebels namnlause figuren er truleg ein av dei vi kan bli betre kjent med.

Foto: Instagram

Humorserien «Parterapi» med Kevin Vågenes har blitt ein stor suksess for NRK, og var ein serie mange snakka om i fjor. Sesong to blei i snitt sett av over 600.000 nordmenn. Den første episoden i sesongen er sett av over 900.000, anten som strøyming eller lineært.

Vågenes kalla dei gode sjåartala galimatias.

– Responsen på «Parterapi» har vore heilt overveldande. Det verkar som vi har treft breitt, og det er sjeldan når ein driv med humor, sa Vågenes til NRK i november.

Nye ansikt

I serien følger vi fleire par med ulike samlivsproblem som går i parterapi. Vågenes spelar den eine personen i kvart par. Til hausten kjem den tredje sesongen på NRK. Men det blir ein liten førpremiere på Seriedagene i Oslo i slutten av september.

I den komande sesongen blir det ifølgje førehandsomtalen eit gjensyn med fleire av personane frå tidlegare sesongar. Men publikum får også helse på nye par som har sitt å stri med.

Fredag posta Kevin Vågenes på Instagram den første smakebiten på kva vi kan vente oss til hausten.

Vågenes seier til NRK at han ikkje ønsker å kommentere bildet det dei jobbar med no, eller om dette er ein person som kjem til å vere ein del av rollegalleriet når sesong nummer tre går på lufta om nokre månader.

Kulturstrøm

  • Melder seg ut av organisasjon

    To av medlemmane i Hollywood Foreign Press Association, HFPA, som blant anna deler ut Golden Globe, melder seg ut av organisasjonen.

    Dei omtaler organisasjonen som giftig, og seier dei vil starte ein konkurrerande organisasjon, skriv The Hollywood Reporter.

    HFPA har fått massiv kritikk, blant anna for å ha lite mangfald i medlemsmassen og for å ha økonomiske bindingar med enkelte av dei som blir nominerte til prisen.

  • Fikk hakeslepp av eget gitarspill

    Lillebjørn Nilsen er plateaktuell med «Live in Telemark», som er et opptak fra en konsert han gjorde sammen med den irske visesangeren Andy Irvine under Telemarkfestivalen i 1994.

    I Kulturstripa torsdag snakket han og programleder Mona B. Riise sammen om innspillingen og hvordan han jobber som musiker.

    En av låtene på plata er en versjon av Lillebjørn-klassikeren «Alexander Kiellands plass», hvor han spiller den alene med akustisk gitar.

    – Jeg fikk helt hakeslepp da jeg hørte det opptaket av «Alexander Kiellands plass». Fordi dette var min opprinnelige drøm: Å bare høre den med min sangstemme og – da må jeg skryte litt – mitt eminente gitarspill, sier han i intervjuet.

    70-åringen kan også koste på seg litt selvskryt for å ha inspirert utallige gitarister med «Lillebjørns gitarbok», utgitt i 1973.

    Lillebjørn Nilsen og Mona B. Riise