Men dette har ikkje hatt den effekten Facebook hadde håpa på, skriv BBC.
Motsett effekt
Målet var, ifølgje Mark Zuckerberg, at desse tiltaka ville bidra til å gjere det mindre lønsamt å spreie desinformasjon for dei som stammer og tener pengar ved å få fleire folk til å besøke nettstadene sine.
LES OGSÅ:
«Forsking, som tek for seg retting av feilinformasjon, har derimot vist at det å ha eit tydeleg varsel, som eit raudt flagg, ved sida av ein artikkel, vil forsterke ei allereie djupt forankra tru – altså motsett effekt enn det som var tiltenkt», skriv Tessa Lyons i Facebook i eit blogginnlegg.
Endrar strategien
Facebook går difor over til å vise «relaterte artiklar» ved sida av omstridde nyheiter.
Plattforma har testa denne framgangsmåten og funnet at sjølv om dette ikkje reduserer klikk-talet på omstridde artiklar, så fører det til at artiklane blei delt færre gonger.
Dersom folk forsøker å dele ei omstridt nyheit, dukkar det lenker til faktasjekka kjelder, skriv BBC.
– Eit bra initiativ
Høgskulelektor ved BI, Cecilie Staude, meiner Facebook er tent med å fjerne falske nyheiter-varselet.
– Facebook er avhengig av at folk har tillit til den digitale plattforma. Facebook har hatt store problem med falske nyheiter, og når det viser seg at tiltaket med varsling verkar mot si hensikt, så er dei tent med å sjå på andre løysingar, seier Cecilie Staude.
At Facebook heller går over til å plassere relaterte artiklar ved sida av falske nyheiter meiner Staude er ein god idé.
– Det er eit bra initiativ fordi det skaper truverd. Facebook er ein så viktig kanal for det brede lag av folket, og det er ein enormt viktig marknadsføringskanal som lever av annonseinntekter. Difor er Facebook heilt avhending av tillit hos folk. Så får vi sjå kva effekt dei nye tiltaka har, seier Staude.