Det vart liv i Trondheim Spektrum i kveld da Alessandra gjekk sigrande ut av Melodi Grand Prix-finalen.
Norsk-italienaren får dermed æra av å representere Eurovision Song Contest i Liverpool i mai.
– Dette er ei stor ære. Eg skal gjere dykk stolte! sa Alessandra rett etter at sigeren var eit faktum.
– Dette skal feirast med ein skikkeleg fest. Og ikkje ein god natts søvn, seier Alessandra til NRK etter finalesendinga.
Ho seier ho skal nyte denne kvelden, mens smilet nesten går rundt.
– Alle er så flinke, og det har vore ei berg- og dalbane fram til nå. Det var vanskeleg å seie på førehand kven som skulle vinne, fortel ho vidare.
Alessandra på scena i MGP-finalen.
Sjå framføringane frå alle finalistane her.
Skal forbetre antrekket
Alessandra har sjarmert sjåarane og den internasjonale juryen med låten «Queen of Kings».
NRKs kritikar skriv dette om vinnaren: «Alessandra har også en veldig sjarmerende utstråling og energi, så dette er uansett intet katastrofalt bidrag fra Norge i finalen».
På scena har ho på seg ein svart bodysuit med ein kappe som flagrar i vindmaskin-vinden.
På spørsmål om korleis ho skal overgå antrekket ho har nå svarer ho:
– Eg vil vise alle saman POWER i Eurovision i Liverpool!
Alessandra på scena i MGP-finalen.
Foto: Ulrik KramerNummer 1 på den globale lista på Spotify
20-åringen har budd mesteparten av livet i Italia, men etter ho var ferdig med vidaregåande bestemte ho seg for å flytte til Noreg.
I dag bur ho på Lillehammer og studerer på musikkskulen LIMPI. Låten «Queen of Kings» handlar om å tore og vere seg sjølv, og det å kome sterkare ut av vanskelege periodar i livet.
– Eg hadde aldri trudd dette for eitt år sidan. Ein draum har gått i oppfylling. Det handlar om å ha trua på seg sjølv og ikkje gi opp, konstaterer ho etter finalen.
Låten har 5, 7 millionar avspelingar på Spotify, og har toppa dei internasjonale listene i Europa den siste tida.
I skrivande stund er «Queen of Kings» på fyrsteplass på Spotifys globale liste.
Tekst og melodi er av Henning Olerud, Stanley Ferdinandez, Alessandra Mele og Linda Dale
Internasjonal jury
Rett før finalen låg Alessandra på andreplass på oddslista til Eurovisionworld. Det er ein nettstad som samlar inn odds frå fleire tippeselskap. Men det norske folk ville det annleis enn det tippeselskapa trudde.
Ho fekk flest stemmer frå både det norske folk, og den internasjonale juryen.
I år var det gjort fleire endringar i Melodi Grand Prix. Ei av endringane var gjeninnføring av internasjonal jury. Juryen bestod av bransjefolk frå eit utval land og telte 50 % i finalen. Publikumsstemmene telte andre halvparten.
