Hopp til innhold

Sanninga som faren ikkje veit om er blitt ein global hit

Alessandra Mele skal opptre i MGP-finalen med ein song som går viralt verda over. Bodskapet er svært personleg for den norsk-italienske artisten.

 Alessandra Mele i forbindelse med MGP

Alessandra går viralt med låten «Queen of Kings» med 4,1 millionar avspelingar på Spotify, og 60 millionar avspelingar på TikTok.

Foto: Kjetil Solhøi / NRK

I fjor sjarmerte ho sjåarane og dommarane i senk i The Voice.

Fyrstkomande laurdag håpar 20 år gamle Alessandra Mele å gjere det same. Da står ho på scena i Melodi Grand Prix-finalen.

Den kvelden blir det avgjort kven som skal representere Noreg i Eurovision Song Contest.

Og det ser ut til at Alessandra ligg godt an.

Låten har nemleg 4,5 millionar avspelingar på Spotify, og har toppa dei internasjonale listene i Europa den siste tida.

I skrivande stund er «Queen of Kings» blant anna på andreplass på Spotifys globale liste.

Det er absurd å tenke på, seier Alessandra.

Eg er takknemleg for alle som høyrer på låten, som er engasjert og som viser interesse, legg ho til.

Alessandra Mele i forbindelse med MGP

Alessandra Mele ønsker at alle skal få vere seg sjølv, og bli akseptert for den ein er.

Foto: Kjetil Solhøi / NRK

Å våge å stå i det vonde

Låten handlar om ei dronning som har hatt det vanskeleg, men som har stått i det, og blitt sterkare.

– Det viktigaste er å våge å vere i det vonde, for det kjem til å bli betre. Ikkje røm frå dei vanskelege kjenslene. Det er i dei tøffe stundene at du lærar om deg sjølv, og kor sterk du er, fortel Alessandra.

Bodskapet er noko norsk-italienaren kan relatere til.

Sidan ho var lita har ho visst at ho likar både jenter og gutar.

Men i Cisano sul Neva, den vesle byen i Italia der ho har vokse opp, var det lite aksept for fri kjærleik.

– Det er stadar i Italia som er veldig opne og tolerante, men på små stadar kan mentaliteten vere lukka, noko som kjem til uttrykk gjennom negative haldningar og kommentarar.

– Det er spesielt vondt å få negative kommentarar rundt det å vere skeiv frå venar og familie, legg ho til.

Alessandra Mele sit i eit mørkt lokale og smiler mot kamera.

Alessandra Mele har funne styrke i seg sjølv.

Foto: Kjetil Solhøi / NRK

Kjempar for at ein kan vere seg sjølv

Faren hennar og venane i Italia er framleis uvitande om at ho likar begge kjønn.

For to år sidan flytte ho til Noreg. Her har ho familie som støttar ho fullt ut.

– Det er fleire grunner til at eg kom til Noreg, men det har så klart vore ein personleg kamp. Og det å kome til Noreg har hjelpt meg til å akseptere den eg er, seier 20-åringen.

Ho fortel at ho har jobba med å ha det bra med seg sjølv, og at ho nå er stolt over å vere den ho er.

Og om resten av familien og heile verda får vite kva ho syng om så er ikkje det noko problem.

– Eg har det bra med meg sjølv, og eg bryr meg ikkje om kva andre tenker. Eg vil berre at folk skal få elske den dei vil.

Og eg håpar at dei som er i den same kampen som eg har vore, lærer av det. Eg vil at alle skal vere seg sjølv, og vere den ein er. Det er fyrst da du kan leve eit godt liv. Og eg håpar «Queen of kings» kan hjelpe med det, seier ho.

Alessandra Mele i forbindelse med MGP

– Uansett om ein er der nede så skal ein hugse at ein er ein «Queen of Kings». Ein er ikkje alltid oppe – det er slik livet er.

Foto: Kjetil Solhøi / NRK

– Songen gir styrke

Så langt har ho fått mange tilbakemeldingar frå folk som takkar ho for at ho skapte låten.

– Dei seier at songen gir dei styrke.

– Som artist er det nettopp det du ønsker: At dei som lyttar på låten og blir glade av bodskapet, og brukar det i kvardagen.

På laurdag skal ho igjen synge songen for det norske publikum i Melodi Grand Prix-finalen.

Ho er ikkje i tvil om kvifor folk bør stemme på ho. Alessandra peiker på at låten har eit universelt bodskap som alle i heile verda kan kjenne seg igjen i. Låten har ein bra miks med god energi.

– Og den har ein internasjonal appell – slik som Spotifylistene har vist den siste tida, legg ho til.

Alessandra Mele på scena i MGP

Alessandra Mele under fyrste delfinale i MGP.

Foto: Ulrik Kramer

Kan sanke stemmer frå Italia

Tysdag vart det også kjent at Noreg skal opptre i den fyrste semifinalen i Eurovision saman med blant andre Italia.

– Her er det ei som kan sanke 60 millionar stemmer frå Italia. Kva meir enn det kan Noreg ønske seg, seier Alessandra og ler høgt.

Ho håpar folk vil stemme ho vidare til Eurovision.

– Tenk å kunne representere Noreg i Eurovision! Eit land som er så opent og likestilt. Det hadde vore ein draum, avsluttar norsk-italienaren.

Kulturstrøm

  • Ian McKellen på sykehus – falt fra teaterscene

    Den 85 år gamle skuespillerveteranen Ian McKellen ble mandag kjørt til sykehus i London etter at han falt fra scenen under en forestilling.

    Legene regner med at skuespilleren vil bli fullt restituert etter uhellet. En talsperson for teateret der han falt sier McKellen er «ved godt mot» etter uhellet.

    85-åringens karriere strekker over seks tiår og inkluderer en rekke klassikere av Shakespeare og Ibsen, mens han de siste årene også er kjent som Gandalf i Ringenes Herre-filmene og Magneto i «X-Men».(NTB)

     Ian McKellen
    Foto: Daniel LEAL-OLIVAS / AFP
  • Handler om blikket som ser

    – Ida Fjeldbraaten skildrer utsatte mennesker. Hun viser frem sårbarheten til de som faller utenfor og kynismen til alle dem som vil sko seg på denne sårbarheten. Men det blir noe velkjent og politisk korrekt i kritikken av drøye TV-produsenter med et vinglete moralsk kompass, skriver litteraturkritiker Anne Cathrine Straume om boka «De andres liv».

    Bildecollage av forfatter Ida Fjeldbraaten og hennes nye bok "De andres liv" (2024)
    Terningkast 4 Bok

    «Rått om reality-boomen»

    ANMELDELSE: «De andres liv» av Ida Fjeldbraaten

  • Daniel Radcliffe fikk sin første Tony-pris

    Daniel Radcliffe, mest kjent for rollen som den unge trollmannen Harry Potter, nådde en ny milepæl i karrieren da han søndag fikk sin første Tony-pris.

    Prisen, som er Broadway og scenekunstens svar på Oscar, ble delt ut i New York. Radcliffe fikk prisen som beste skuespiller i en musikal for sin innsats i «Merrily We Roll Along».

    – Dette er en av de beste opplevelsene i mitt liv. Jeg kommer aldri til å ha det så bra igjen, sa Radcliffe da han tok imot prisen. Han takket også foreldrene for at de spilte musikk av Stephen Sondheim – en av komponistene bak musikal han fikk pris for – i bilen da han var liten.

    Den britiske 34-åringen ble verdensberømt nærmest over natten da han som tolvåring spilte Harry Potter i den første filmen om den unge trollmannen. Siden har han spilt i flere filmer, men også i stor grad dreid karrieren over til teaterscenen.

    (NTB)

    Daniel Radcliffe fikk søndag sin første Tony-pris – Broadways svar på Oscar – for sin innsats i musikalen «Merrily We Roll Along»
    Foto: Charles Sykes /Invision / AP/NTB