– Eg prøvde å tenke på andre måtar å få ut låten på, seier manageren til Kygo, Myles Shear.
Tilbake i mars 2014 vart Myles kontakta av nokon i teamet til Coldplay. Dei ville at Kygo skulle remixe låten deira «Midnight».
– Eg trudde ikkje heilt på det. Eg tenkte at det var vilt at dei visste kven eg var, seier Kygo.
- LES OGSÅ:
– No må eg overprestere
For Kyrre Gørvell-Dahll frå Fana i Bergen var det stort å få mikse ei låt for sjølvaste Coldplay. Det blei oppslag i avisene.
– Eg tenkte at no, no må eg overprestere og lage ein sinnssjukt bra remix, seier Kygo.
Han hadde til då remixa låtar for artistar som Ellie Goulding, James Blake og M83. Vanlegvis vart han fort nøgd med miksande sine, men ikkje den gongen.
– Eg måtte sjå om det var mogeleg å gjere noko betre. Eg måtte prøve meg fram og sjå kvar låten tok meg, seier han.
- LES OGSÅ:
Fekk låten spelt
Etter mykje jobbing, og over 20 utkast seinare vart Kygo nøgd, men det var ikkje godt nok. Plateselskapet til Coldplay gav beskjed til Myles om at dei ikkje var sikre på om låten kom til å bli gitt ut.
– Eg tok kontakt med Pete Tong på BBC Radio 1. Eg sa eg måtte få ut remixen, seier Myles.
Myles foreslo for Pete Tong at han kunne få verdspremieren på låten, på radio, utan at plateselskapet til Coldplay visste om det.
– Eg sa at Coldplay og teamet garantert kom til å skjøne kor vilt det var, kor spesielt det augeblikket var, at dei kom til å ville ha låten, seier Myles.
- LES OGSÅ:
- LES OGSÅ:
Vart gitt ut
Låten fekk verdspremieren på radio, den 9. mai 2014. Då snudde plateselskapet også, og så kom datoen. Den 8. juni blei låten gitt, ein knapp månad etter radiopremieren.
– Eg fekk gode tilbakemeldingar frå både av manageren til Coldplay og av dei sjølv også. Det var ganske stort, seier Kygo.
Og klippet frå verdspremieren, det er så langt spelt over ni millionar gonger på SoundCloud.
– Då eg kom på melodien, så hugsar eg at eg tenkte «der sit den, det er den melodien eg skal gå for», seier Kygo.
Sjå også dokumentaren om Kygo på NRK2 den 12. oktober, klokka 20.45, eller på nett-TV: Nøkkelen til suksess: Kygo.
- HØYR VERDSPREMIEREN: