Hopp til innhold

Korte nyheter

  • Suopma gidde rájá ruoššalaččaide

    Nu dieđiha Helsingin Sanomat. Áviissa dieđuid mielde giddejuvvojit rájáid jo bearjadaga gaskaija rájes. Yle čállá, ahte dát ii guoskka ovdamearkka dihtii jus olmmoš áigu bearraša guossái, dahje sisabeassangeahččaleapmái alit ohppuide Suomas.

    Mannan vahkku bohte badjel 40.000 ruoššalačča Suoma beallái, čájehit EU rádjágoziheame, Frontex:a logut.

  • Váilo 22 miljárdda divvut geainnuid

    Romssas ja Finnmárkkus váilo 22 miljárdda divodit ja uđassihkkarastit geainnuid.

    Nu čállá NAF preassadieđáhusas. 75 proseanta guovlluin háliidit vuoruhit divodit geainnuid, ja 59 proseanta háliida vuoruhit uđassihkkarastima. Nu čájeha Norstat iskkadeapmi.

    NAF gáibida dál eambbo ruđa dákkár doaimmaide.

    Vei Sjursnes
    Foto: Thomas Sørensen / NRK
  • Stuorravuovdde johtolat fas lassánan

    Ruošša beale johtolat Norgga beallái, Stuorravuovdde bokte, lea fas lassánan duorastaga iđida.

    Gaskavahku dieđihedje politiijat ahte johtolat Ruošša bealde Norgga beallái lei jaskkodan. Muhto go rádjá rahpasii iđđes dii. 8:is, de bohte 6-7 ruošša biilla diimmu siskkobealde rájá badjel.

    Ruošša beale bealátkeahtes mediat leat čállán ahte jáhkket Kreml boahtá giddet rájáid almmáiolbmuide mobiliserenagis.

    Storskog grensestasjon
    Foto: Stian Strøm