Aktan galggaba viehkken liehket mánájda ja nuorajda ålles rijkan tjalmostahtátjit sebrudahttemav ja bærrájgåhtsemav iehtjádijda.
– Dåbddu dagu fiebarniehko, javllá Thomassen, gut la sáme buvtadiddje ja musihkkár.
– Guddne l! Munji l riek suohtas oadtjot ulmutjijt fáron, juogu dal dánssaguolbbáj jali ietján iellemin smávva ja stuorra dáhpadusájda, ja da la ham dat mij la BlimE. Aktijvuodav dahkat ja dassta aktisasjvuodav nannit, javllá Kvistad.
Ane Norum Kvistad Newton:in barggá.
Foto: NRKLávllagav gidán dahki
Kvistad, dåbdos NRK-prográmmas Newton, ja Thomassen galggaba aktan muhtem musihkkabuvtadiddjijn dán jagásj BlimE-lávllagav gidáguovlluj dahkat.
Duodden galggi koreografijjav, dánssabagádusvideov ja musihkkavideoav dahkat.
Thomassena mielas la guddne sámegielversjåvnåv lávllot.
Dat la vuostasj bále julevsábme galggá BlimE-artisstan liehket, ja dajnas vuostasj ålles julevsámegiel BlimE-versjåvnnå.
– Dåbdåv lav oadtjum stuorra åvdåsvásstádusáv, ja stuorra luohtádusáv. Gåk mij julevsámegiellaj javllap: Ihkeva suohtas!
- Dat la dåssju guokta jage dat rájes gå julevsámegiella vuostasj bále MGP jr:an gulluj. Lågå ienebuv dan artista birra dánna.
– BlimE la riek ájnas munji. Vuojnnet gå dakkir ájnas ássje la oadtjum nåv stuorra nasjonalalasj berustimev, ja suohtas ja ájnas gå la sjaddam rijkajgasskasasj.
– Muv ienemus tjuojadum lávlla Spotifyan dijmmá lij «Moai Girde», dijmásj sáme BlimE-lávlla, tjajmat sån.
- Dijmásj BlimE-artissta anij årjel- ja julevsámegielajt aj suv lávllagin. Lågå ienebuv dan birra ja gehtja musihkkavideoav dánna.
DJ AILO: Ailo Thomassen podkástajn «Dálla ja Dalloj» barggá, duodden la sån DJ ja musihkav tjuodjá miehtá Sámeednamin.
Foto: ØRJAN MARAKATT BERTELSEN
Mielav giddi ja la sebrudahtte
BlimE:an javllap «Buorástahte! Liege ráddnan! Sebra!»
Kvistad subtsas kampánnja galggá viehkken rádnastallamav, huvsov ja iehtjádij vieledimev åvdedit.
– BlimE! galggá suohtas, bivnos ja sebradahtte liehket. Vájbi vuojnná man ájnas dát la gå lågojda gæhttjá Oahppijguoradallamin mij luodjomlahkáj vuoset givsedibme skåvlån la lassánime. BlimE! Ij la tjoavdos givsedimev binnedittjat, valla viehkken la tjalmostahtátjit buorre árvojt dagu dal aktijvuodav ja avtamielakvuodav.
- Lågå ienebuv dan birra vaj oahppeguoradallam vuoset ienep oahppe givseduvvi.
Ienemusát ávvudallá BlimE-bæjvváj bierjjedagá ragátmáno 20. biejve.
Dalloj galggi mánájgárde, skåvlå ja márjju barggosaje Vuonarijkan BlimE-dánsav jur sæmmi båhttå dánssat.
– Dat gal sjaddá hármmat suohtas, javllá Kvistad.
