Hopp til innhold

Gudnejahttá Keiino tatoveremiin: – Sii movttiidahtte mu doarrut dávdda vuostá

Giđđat 2019 buozai Karina Brandt garrasit. Fámoheapmin veallái buohcciviesus ja oinnii Keiino-joavkku lávkemin lávdái Tel Avivas. Das rájes rievddai su eallin.

Loga dárogillii: Hyller sine helter med tatoveringer: – De gav meg lysten til å kjempe

Karina Brandt ble så inspirert av Keiino at hun designet to tatoveringer til seg selv.

KEIINO INSPIRAŠUVDNAN: Karina Brandt liikui nu bures Keiinoi ahte hábmii guokte tatoveremiid sin várás.

Foto: Peder Carlsen/Keiino, privat

– Leat go gullan? Keiino lea mielde Melodi Grand Prixas, jearrá son mojunjálmmiid. Mii leat riŋgen seammás go Keiino lea álmmuhuvvon MGP 2021:ii.

Illá olliimet buorástahttalit, ovdalgo jearralii dán gažaldaga. Dieđusge lea oaidnán aiddo dáid ođđasiid.

Karina Brandt fra Danmark er blodfan av Keiino.

ALBMA FÁNA: Karina Brandt lea albma Keiino-Fána.

Foto: privat

Karina Brandt lea nu gohčoduvvon superfána. Son hálddaša Keiino fána-siidduid, son lea hábmen Keiino-tatoveremiid ja ráhkadan maiddái Keiino-dohkáid.

Sáhttá dadjat ahte lea skeŋken olu áiggi jovkui, geaid geažil dovdá heakkas gádjun.

Sin várás hábmen

Brandt giitá Keiino go sus dál lea buorránan dilli. Dan son čájeha dáiddalašvuođa bokte. Son álggii tatoveremiin, masa “Praying” lávlla lea inspirašuvdnan.

Tatoveringene har Brandt designet selv. Den nyeste av dem tegnet hun rundt 50 ganger før hun var fornøyd.

IEŠ HÁBMEN: Karina Brandt lea ieš hábmen tatoveremiid.

Foto: privat

– Rohkadallan lea beaivválaš oassi mu eallimis ja “Praying” čuzii mu váibmui. Mun guldalin lávlaga olles ija, son muitala.

Nuppi tatoveremii lea olu áigi ja návccat mannan. Das lea olu symbolihkka, nugo dat njeallje čiega ja njeallje ruossa mearkkastaga.

Rundt 50 skisser måtte til før Brandt var fornøyd med designet på tatoveringen.

OLU BARGU: Sullii 50 geardde fertii tevdnet, ovdal go lei duhtavaš.

Foto: Privat

– Dat sáhttet govvidit njeallje jahkeáigodaga dahje máilmmi njeallje čiega. Ja de leat njeallje čiega čiehgahpiris ja njeallje ivnni sámi leavggas, son čilge.

Don soaittát leat gullan sámi mediain Karina Brandt birra ovdal. Son ráhkada dohkáid ja lea earret eará ráhkadan dohkáid, mat sulastahttet Keiino miellahtuid mánnán.

Karina Brandt er også dukkemaker, i tillegg til superfan av Keiino. Her er baby-dukken hun laget av Fred Buljo.

RÁHKADA DOHKÁID: Dá lea dohkká mii sulastahttá Fred Buljo mánnán.

Foto: privat

Movttiidahtte dávdda vuostá doarrut

Giđđat 2019:s buozai Brandt garrasit. Son veallái buohcceviesus ávnnasmolsundávddain. Boahtteáigi orui leamen seavdnjat.

– Mun ledjen lahka jáme. Mun ledjen hui buozas ja fámut ledje visot nohkan, son muitala.

Brandt veallái buohcceviesus ja geahčai Eurovišuvnna 2019. Rievtti mielde ii veadján, muhto nieidda guovttos háliideigga loahppagilvvuid geahččat suinna ovttas.

Go Keiino-joavku lávkii lávddi ala de dáhpáhuvai juoga. Ja go Fred Buljo juoigagođii, de dego sparggidin.

KeiiNO, Eurovision, Melodi Grand Prix.

RÁPPE: Govas juoigá Fred Buljo ESC-gilvvus 2019:s. Ođđa šuoŋas beassá ráppet maid.

Foto: Terje Bendiksby

– Fáhkka ledjen čohkkut seaŋggas ja smihtten; Mii b ... dál geavai?

Das rájes dearvvašmuvvagođii. Moadde vahku maŋŋel lei dan muddui dearvvasmuvvan ahte doaimmai ja nagodii bidjagoahtit áiggi Keiinoi.

Bokte mánnávuođa dovdduid

Karina Brandt lea dáiddalaš Sønderborga nisu, gii Sámi guoddá váimmustis. Dát lea kulturberoštupmi, mii sus leamaš mánnávuođa rájes. Su áddjá bođii Álttá guovllus ja son lea bajásšaddan árbejuvvon dávviriiguin. Ja muitalusaiguin, dieđusge.

Karina Brandt jobber mye med design og tegner ofte samiske motiver.

OASSI BAJÁSGEASSIMIS: Brandt lea bajásšaddan sámi muitalusain.

Foto: Privat

– Áhčči muitalii Sámi muitalusaid go ledjen mánná. Lean álo jáhkkán ahte ledje máidnasat, muhto lean maŋŋá ádden ahte ledje árbedieđut.

Son lohká jáhkkit ahte Fred Buljo juoigan dat bovttii mánnávuođa dovdduid. Dalle go gulai ádjá muitalusaid. Son badjánii dáhttu fas doarrugoahtit dávdda vuostá.

Giitevaččat Karinai

Alexandra, Tom Hugo ja Fred dovdet iežaset superfána Karina Brandt Dánmárkkus. Tatoveremiid leat sii oaidnán Instagramas.

– Lea gelddolaš oaidnit ahte Keiino musihkka sáhttá váikkuhit olbmuid eallimii dieinna lágiin, muitala Alexandra.

KEiiNO

ČUVVO FÁNSSAID ÁIGUMUŠAID: Keiino fánsat leat vuordán justa dán. Ahte Keiino searvá fas MGP:ii.

Foto: Julia Marie Naglestad / NRK

Karina ja eará Volkeiinosat (Keiino fánssat gohčodit iežaset red. anm.) movttiidahttet sin bargat viidáseappot musihkain.

Sii háliidit maid cealkit persovnnalaš dearvuođaid Karinai NRK bokte:

– Mii leat giitevaččat Karinai dan barggu ovddas maid son dahká Keiino fán-siidduin. Son jorgala čállosiid, sádde dieđuid midjiide ja doarju ja čuovvu min. Olu giitu, Karina!

Ruovttoluotta MGP-lávdái

Gilvalit MGP:s guokte jagi dás ovdal lei erenoamáš Keiinoi. Dan rájes leat sii smiehttan ahte jus ráhkadit šuoŋa mas dovdet ahte lea doaivva, de servet nuppes.

Monument musihkkavideo oainnát dás:

Dan dovddu ožžo “Monument” lávlagiin. Manai vel buorebut go ledje vuordán. Šuokŋa válljejuvvui oktan 5:in eará lávlagiin njuolgga loahppagilvvuide, mat leat guovvamánu 20. beaivvi.

– Mii leat positiivvalaččat hirpmahuvvan go beasaimet njuolgga loahppagilvvuide, lohká Alexandra Rotan.

Sii dovdet dál iežaset ovttastuvvon buorebut joavkun, ja ahte “Monument” čájeha, mii Keiino lea artistan ja makkár musihka ráhkadit.

Dánmárkkus illuda Karina Brandt hirbmadit. Son gal jáhkká ahte Keiino vuoitá Norggas, ja ahte sii bohtet viidáseappot Eurovišuvdnii.

– Dan gal jáhkán. Sihke bivnnutvuođa geažil ja danin go sin šáŋŋer lea hui Melodi Grand Prix, muitala Brandt.

Go jearrat Karinas lea go plánen deavdit gihtii eanet tatoveremiid, de vástida ahte ii leat plánen deavdit olles gieđa, muhto moadde gal hui sihkkarit šaddet vel.

– Jurdda lea ahte prošeakta ii leat gárvvis ovdalgo lean tatoveren buot golbma autográfa gihtii, loahpaha Brandt.

Korte nyheter

  • Luonddugáhttenlihttu ávžžuha oassálastit Kingsrose čoahkkimii

    Sunna-Inga Gaup Aamot ávžžuha Luonddugáhttenlihttu bealis olbmuid vuolgit jearrat gažaldagaid go Kingsrose Mining lágida álbmotčoahkkima Leavnnjas boahtte disdaga. Dan čállá Ságat aviisa.

    – Leat ollugat geat váldet oktavuođa minguin gažaldagaiguin ja mii jurddašit ahte livččii buoret jus njuolga váldet oktavuođa Kingsrose Mining:in ja buktet gažaldagaid sidjiide čoahkkima oktavuođas, dadjá Gaup Aamot.

    Kingsrose Mining váldodirektevra Aina Borch lohká háliidit deaivvadit olbmuiguin ja addit dieđuid mainna sii barget ja hállat olbmuid baluid birra.

    Kingsrose galgá maid lágidit álbmotčoahkkimiid Guovdageainnus ja Kárášjogas.

    Fitnodagaid Kingsrose ja BHP mihttu lea gávdnat minerálaid nugo nihkkela ja veaikki Finnmárkkus.

    Sunna-Inga Gaup Aamot.
    Foto: Lena Marja Myrskog / NRK
  • Gir 23 millioner til prosjekter i Troms

    Troms Holding AS gir 23 millioner til prosjekter innenfor identitetsbygging i Troms.

    19 ulike prosjekter får støtte, blant annet Festspillene i Nord-Norge, Samisk hus og Reistadløpet.

    Troms Holding AS eies av Troms fylkeskommune og kommunene i fylket. Selskapet skal fremme regional utvikling gjennom tilskudd til investeringsprosjekt.

  • Golbma ođđa sámi filmma ožžot buvttadandoarjaga

    ISFI (Internašunála Sámi Filbmainstituhtta) juolluda 1,4 miljovnna ruvnnu guovtti oanehis filbmii ja ovtta dokumentárii.

    Dokumentárii «Čieža Čáhppes Cizáža» juolluduvvo 300.000 ruvnnu. Dan lea Harry Johansen čállán ja buvttadanfitnodat lea Govas Film AS.

    Oanehis filbma «Vielle» oažžu 500.000 ruvnnu. Čálli lea Ole Henrik Lifjell ja buvttadeaddjin leaba Camilla Drege Arntsen ja Leammuid Biret Rávdná.

    Oanehis filbmii «Vieljažagaid Iežaska Jáhkku / Brothers of Faith» juolluduvvo 600.000 ruvnnu. Čálli lea Per Josef Idivuoma ja buvttadeaddjin gis Per Josef Idivuoma, Libby Hakaraia ja Mathis Ståle Mathisen.

    Per-Josef Idivuoma
    Foto: Marie Louise Somby