– Bør snu ryggen til Møre og Romsdal dersom Todalsfjordsambandet ikkje kjem
– Surnadal kommune bør snu ryggen til Møre og Romsdal fylke dersom Todalsfjordsambandet ikkje kjem.
Det sa Høgre-politikar Tore Rune Halset under kommunestyremøtet i Surnadal i går, skriv avisa Driva.
Halset sa at Todalsfjordsambandet bør kome så snart det nye sjukehuset på Hjelset står ferdig i 2025. Dersom ikkje der skjer bør Surnadal kommune vurdere å slutte seg til Trøndelag, meiner han.
Fleire politikarar sakna også ei klårare prioritering av prosjektet i Nordmøre interkommunale politiske råd.
Leiar i rådet, Ellen Engdahl i rådet svarte at dei jobbar for å få realisert Todalsfjordprosjektet som dei meiner er eit svært viktig prosjekt.