Nordøyvegen kan spare 100 millionar kroner når den nye regjeringa gjeninnfører rentekompensasjonsordninga.
Den raudgrøne regjeringa ville avvikle denne ordninga i vår, men i Erna Solberg og Siv Jensen sitt endringsforslag til statsbudsjettet er ordninga tatt inn i varmen igjen.
Les også:
100 millionar til Nordøyvegen
Veg var ein av dei store vinnarane i den nye regjeringa sitt budsjettforslag som vart lagt fram fredag føremiddag.
Les:
Eitt av forslaga er at rentekompensasjonsordninga skal tilbake. Regjeringa set av 236 millionar kroner til dette, noko som betyr at fylka kan låne inntil 2 milliarder kroner rentefritt til investeringar i fylkesvegnettet.
Med andre ord kan fylkeskommunen låne meir pengar til Nordøyvegen og staten tar rekninga for renteutgiftene.
– For Nordøyvegen kan dette bety ein god del, seier Oddbjørn Vatne (Sp), som er leiar i samferdsleutvalet i Møre og Romsdal.
Ifølgje Vatne kan rentekompensasjonordninga fort bety 100 millionar kroner for Nordøyvegen.
Skryt av den nye regjeringa
Dermed måtte Vatne sitt eige parti, Senterpartiet, få drahjelp frå den nye regjeringa for å få på plass ordninga.
– Det er beklageleg at Senterpartiet ikkje makta å få gjennom dette hos den raudgrøne regjeringa, vedgår Vatne.
Han rosar den nye regjeringa for endringsforslaget.
– Eg vil kort og greitt rose den nye regjeringa for at dei får rentekompensasjonsordninga på plass igjen. Eg synest det er fint.
Les også:
Byggjestart i 2015
Med rentekompensasjonsordninga på veg tilbake trur Vatne at Nordøyvegen, som skal binde øyane i Haram og Sandøy til fastlandet, er endå eit steg nærare realisering.
– Eg har god tru på at Nordøyvegen vert realisert. Økonomien er rimeleg bra i dette prosjektet, seier samferdsleleiar Vatne.
Han har også god tru på at det er realistisk med byggjestart i 2015.
No er neste steg å få på plass søknad om løyve til å ta inn bompengar på Nordøyvegen.
– Eg håper bompengesøknaden er klar til fylkestinget i desember. Då kan saka byrje å gå i Vegdirektoratet og i departementet, slik at søknaden truleg vil kunne verte avgjort i løpet av 2014.
– Seinare skal Nordøyvegen ut på anbod, slik at byggjestarten vil kome i 2015. Etter det vil det i alle fall ta tre-fire år før prosjektet er heilt ferdig.
Les også: