Kvar tredje maskinist på fiskebåt nærmar seg pensjonsalderen, det viser ei undersøking frå Fiskebåt og Maritimt Kompetansesenter.
Men for å få unge som tar utdanning til å bli maskinistar på fiskebåtar, er det viktig at næringa sjølv skaffar praksisplassar. Avdelingsleiar Paul Gustav Remøy i Fiskebåt er fryktar maskinistmangel dersom næringa ikkje gjer noko.
– Det er rett og slett reiarlaga sjølv som må ta initiativ og knytte til seg dei som skal bli offiserar og som skal ha ei praksisperiode etter det, seier Remøy.
- Les også:
- Les også:
Stort behov for maskinistar
Så langt har det gått greitt å skaffe styrmenn og skipperar som har hatt praksistida i store reiarlag. Små fiskebåtreiarar har på si side hatt problem med å ta om bord kadettar, og det har særlig gått ut over rekrutteringa til maskiniststillingar på fiskebåtar.
– Vi treng maskinistar som er dedikerte til å drive med fiskeri og som har kunnskap om å vere på ein fiskebåt. Det er noko forskjell mellom å jobbe på ein fiskebåt og anna maritim drift, seier Remøy.
Tretti prosent av dagens maskinistar nærmar seg pensjonsalderen.
Det betyr at utan skikkeleg rekruttering, risikerar fiskebåtar å bli heldt tilbake fordi dei ikkje har tilstrekkeleg sertifisert personell om bord.
– Når vi ser alderen på dagens maskinistar så er det mange av dei som snart «går ut på dato». Då er det veldig viktig å få inn nye folk, og det må reiarlaga byrje å planlegge ganske fort, seier Remøy.
- Les også:
- Les også: