Tidlegare lege tiltalt

Ber om å få tilbake autorisasjonen

Ein tidlegare fastlege i fylket ber på nytt om å få tilbake autorisasjonen.

Helsetilsynet tok frå han løyvet til å vere lege, og meiner han mellom anna har massert brystvortene til ein ung pasient.

Nyleg blei han frikjend i tingretten, og advokaten hans meiner dette talar sterkt for at han må få tilbake autorisasjonen.

Helsetilsynet held fast på avgjerda, og klagenemnda ventar med å behandle klagen til straffesaka er ankebehandla.

Ankesak for tidlegare lege i august

Ein tidlegare lege får behandla saka si på nytt i Frostating lagmannsrett i august.

Det er sett av tre dagar til saka.

Den tidlegare legen blei nyleg frifunnen for skuldingane om at han skal ha massert brystvortene til ein pasient, men påtalemakta anka.

Den tidlegare legen har heile tida sagt at han er uskuldig.

Statens helsetilsyn tok autorisasjonen frå han hausten 2022.

Tidlegare lege må møte i lagmannsretten

Saka der ein pasient skulda ein lege for å ha massert brystvortene hennar, får ein ny runde i retten.

Den tidlegare legen blei nyleg frikjend i Møre og Romsdal tingrett.

Lagdommar Trude Berg i Frostating lagmannsrett stadfestar at saka blir tatt opp til behandling, etter at påtalemakta anka.

Forsvararane til den tidlegare legen har tidlegare uttalt til NRK at det er uforståeleg og uansvarleg å anke dommen. Den tidlegare legen har heile tida sagt at han er uskuldig.

Statens helsetilsyn tok autorisasjonen frå han hausten 2022.

Det er førebels ikkje sett dato for ankebehandlinga.

Lege blei frikjend - ankar saka

Saka der ein pasient har skulda ein lege for å ha massert brystvortene hennar, kan få ein ny runde i retten.

Den tidlegare legen blei nyleg frikjend i tingretten.

Påtalemakta har bestemt seg for å anke, og politiinspektør Anders Skorpen-Trøen seier dei har vurdert bevisa annleis enn tingretten. Det er difor ønskeleg at lagmannsretten vurderer saka på nytt.

Forsvararane til den tidlegare legen skriv i ein epost at det er både uforståeleg og uansvarleg å anke dommen. Dei er svært kritiske til arbeidet til påtalemakta og helsetilsynet i saka.

Den tidlegare legen har heile tida sagt at han er uskuldig.

Statens helsetilsyn tok autorisasjonen frå han hausten 2022.

Ber om frifinning

Forsvarar Alexander Schimmelpfennig Nygaard ber om at den tidlegare legen blir frifunnen.
Han meiner den tidlegare legen har gitt ei truverdig forklaring på kva som skjedde, og at det er betydeleg grunn til å stille spørsmålteikn ved kor påliteleg ho er. Nygaard seier den tidlegare legen er elska av kollega, pasientar og venner.