Anne Marie Halvorsen er glad i å gå tur, men skulle gjerne fått tak i turkle i sin storleik.
Foto: Rune Hansen / NRKDei fleste sportsbutikkar sel nesten ikkje treningskle i store storleikar.
– Det er vanskeleg å finne fritidskle som passar til meg. Er du stor, så trur eg det er meininga at du skal sitte heime og vente til du blir tynn, seier Anne Marie Halvorsen til NRK Forbrukerinspektørene.
Ho er glad i gå tur, både om sommaren og vinteren, men slit med å finne klede til den bruken i sin storleik.
Ho brukar to eller tre X'ar, men det er nesten umogeleg å finne noko som er over XL til kvinner. Nokre merke leverer XXL, men då er utvalet lite. For Anne Marie blir det òg for lite.
- Les også:
Ikkje same kvalitet
Kleda ho i dag brukar når ho går tur har ho anten spesialbestilt eller kjøpt på butikkar for overvektige. Dei kleda har for eksempel ikkje dei same pusteevnene som vanleg sportstøy har.
– Eg veit at ein kan gå tur i alle slags kle og syns at det er heilt greitt. Men då kjenner ein seg ikkje like fin, og slik bør det ikkje vere. Enda du er større enn normalen, skal du få kjenne deg både komfortabel og elegant ute i løypa.
- Les også:
Butikkane ser problemet
Intersport sin butikksjef, Håvard Larsen, meiner det er kjedeleg å ikkje kunne tilby kle i alle storleikar.
Foto: Rune Hansen / NRKI Norge er 26 prosent av oss overvektige, altså at vi har ein BMI på over 27.
10 prosent av dei igjen har ein BMI over 30, som då går innanfor kategorien fedme. Og vi har berre økt dei siste åra.
– Det er ikkje noko kjekt å ikkje ha varene. Vi vil gjerne ha varer til alle, men det er dessverre eit problem. Dei varene vi har i butikkane er ofte til gjennomsnittspersonen, fortel butikksjef i Intersport, Håvard Larsen.
- Les også:
Produsentane tek tak
Sportsbransjen seier at det vil kome større storleikar i butikkane framover.
Foto: Rune Hansen / NRKSportsbransjen meiner det ikkje har vore stort nok sal av så store storleikar til no, men butikkane ser at fleire og fleire ikkje får tak i store nok storleikar i denne typen klede.
– Vi får fleire og fleire spørsmål om det, bekreftar varehussjef i XXL, Thomas Larsen.
Og no kjem produsentane på bana og ser at folk berre blir større og større.
– Eg er sikker på at allereie til neste år vil tilbodet bli betre. Ved at det vil bli større storleikar tilgjengeleg for den forbrukaren som etterspør det, seier administrerande direktør i Sportsbransjen AS, Trond Evald Hansen.
