Hopp til innhold

Stjernefotograf til NRK: Kameraet er ikkje viktig

Oslo (NRK): Den anerkjende motefotografen Paolo Roversi (70) røper kva som må til for å bli ein god fotograf.

Natalia, Paris 2003

NATALIA, PARIS 2003: Paolo Roversi sine bilde er kalla opp etter modellen, byen bildet er tatt i, og årstalet.

Foto: Paolo Roversi

Motemagasinet Vogue kallar han ein av dei største fotografane i vår tid. Han har vore ein ruvande skikkelse i moteverda heilt sidan 80-talet, og har fotografert store modellar som Kate Moss, Natalia Vodianova, Gisele Bündchen og Rihanna.

Sjå nokre av dei mest ikoniske bilda hans her:

Paolo Roversi

GUDFAR: – Eg vil helst ikkje ta av meg solbrillene. Då ser eg meir ut som «The Godfather», seier italienaren til NRKs fotograf.

Foto: Javier Auris / NRK

NRK møter den elegante italienaren på Shoot Gallery i Oslo. Han er i Noreg for første gong, og tar ein liten runde i lokala for å inspisere si eiga utstilling. Nokre av motebilda er henta frå ei stor utstilling han hadde i Milano i fjor vinter. Mange av bilda er tekne av nakne kvinner.

– For meg er aktfotografering den mest elegante måten å portrettere ei kvinne. Fullstendig tidlaust, utan referansar. Det er berre venleik. Sjå berre på dette portrettet av Natalia, seier Roversi.

Han peiker på det ikoniske bilde han tok av den russiske supermodellen Natalia Vodianova, heime hos seg sjølv i Paris, 2003.

– Eg kunne ha tatt på ho ei skjorte, men det hadde ikkje vore det same. No kan bildet vere både frå attenhundretalet eller 2030.

Kunsten i kameraet

Paolo Roversi vaks opp i Ravenna i Nord-Italia, men flytta etter kvart til Paris for å følgje fotografdraumen. I over 30 år har han tatt bilda sine med eit digert polaroidkamera, men no blir det ikkje lenger laga filmar for slike kamera.

– Dei er ei katastrofe, seier meisterfotografen som no har gått over til digitale fotografiapparat, sjølv om han framleis har nokre gamle filmrullar på lager, til spesielle høve.

Paolo Roversi med Kate Moss i bakgrunnen

EI OPENBERRING: For meg er ikkje fotografiet berre ein presentasjon av røyndomen, men meir ei openberring av noko nytt, seier Paolo Roversi med 18 år gamle Kate Moss i bakgrunnen.

Foto: Javier Auris / NRK

Er kameraet viktig for å ta gode bilde?

– Nei, svarar han kontant.

– Du kan bruke ein iPhone og framleis vere ein god fotograf. Det einaste du treng er hjartet. Du må legge kunsten i kameraet, noko av deg sjølv; draumar, kjensler eller minner. Om ikkje er det berre eit kamera. Det finst milliardar av kamera i verda i dag, men veldig få gode fotografar, konkluderer Roversi.

– Ein lysmeister av rang

Etter eit par dagar i Oslo skal Paolo Roversi vidare til Kristiansund og fotofestivalen Nordic Light. Der skal han førelese om eigne tankar og erfaringar som fotograf, og kreativ leiar Morten Krogvold gler seg stort.

Morten Krogvold

INSPIRERT: Fotograf Morten Krogvold kallar Paolo Roversi ein av verdas største kunstnarar, og meiner bilda hans også vil bli sett på om 100 år.

Foto: Helle Therese Kongsrud / NRK

– Det er ingen tvil om at han er blant topp tre fotografar i verda. Han er ein lysmeister av rang og ein fabelaktiv handverkar, seier Krogvold som sjølv har blitt ein veteran i norske fotokretsar.

Sjølv om Roversi ofte blir omtala som motefotograf, meiner Krogvold italienaren først og fremst er ein stor kunstnar.

– Moteverda er så utruleg overflatisk, med mange kule unge folk som gjer mykje forskjellig. Men så kjem Roversi, med ein heilt annan kulturell kapital enn 99 prosent av dei andre. Han er ikkje den kule. Han er den djupe kunstnaren, konkluderer Krogvold.

Eva, Paris 2002

Eva, Paris 2002.

Foto: Paolo Roversi
Guinevere with Guapi, Paris 1996

Guinevere with Guapi, Paris 1996.

Foto: Paolo Roversi
Kate, London 2015

Kate, London 2015.

Foto: Paolo Roversi
Clementine, Paris 2014

Clementine, Paris 2014.

Foto: Paolo Roversi
Natalia, Paris 2003

Natalia, Paris 2003.

Foto: Paolo Roversi
Anna, Paris 2015

Anna, Paris 2015

Foto: Paolo Roversi
Molly, Paris 2015

Molly, Paris 2015.

Foto: Paolo Roversi
Paolo Roversi

SJØLVFIE: Sjølvportrett av Paolo Roversi

Foto: Paolo Roversi

Kulturstrøm

  • Nynorsk litteraturpris til Edvard Hoem

    Edvard Hoem er tildelt Nynorsk litteraturpris 2023 for boka Husjomfru.

    Prisen er på 50 000 kroner og blir tildelt på landsmøtet til Noregs Mållag i helga.

    Litteraturprisen er blitt delt ut sidan 1982, og saman med mållaget er det Det Norske Samlaget og Det Norske Teatret som står bak prisen.

    Husjomfru av Edvard Hoem
  • Tre norske er nominert til Nordisk Råds barn- og ungdomslitteraturpris

    Grøssaren «Udyr» av Ingvild Bjerkeland og høgtlesingsboka «Oskar og eg» av Maria Parr og illustratør Åshild Irgens nominert frå Noreg.

    I tillegg er Saia Stueng frå Karasjok nominert for ungdomsromanen «Hamburgerprinseassa – Eallá dušše oktii» i kategorien for det samiske språkområdet.

    Totalt 14 nordiske biletebøker, barnebøker og ungdomsromanar nominerte til Nordisk råds barne- og ungdomslitteraturpris 2024.

    Fleire av dei nominerte tek for seg eksistensielle spørsmål om livet og døden. Eit anna tema som går att er menneska sin relasjon til naturen.

    Vinnaren vert offentleggjort 22. oktober.

    Montasje forfatterportrett Maria Parr og coveret til barneboka Oskar og eg
    Foto: Samlaget/Jula Marie Nagelstad
  • Tungtvann feirer 25-årsjubileum i Operaen

    I år er det 25 år siden Tungtvann slapp sin første EP «Reinspikka Hip Hop».

    Det feirer de med å opptre på Operaen i Oslo.

    15. september blir det nemlig nordnorsk rap på menyen i hovedstadens storstue. Kringkastingsorkestret (KORK) blir også med på feiringen.

    I tillegg er hiphop-profiler som Petter, Jaa9 & OnklP, Lars Vaular, Oscar Blesson, Tyr, Grim Pil og Rambow invitert til jubileet.

    – Med den line-upen vi har så lurer jeg på om operaen er stor nok til å huse oss, sier Jørgen Nordeng i en pressemelding.

    – Sånn rent publikumsmessig, understreker han.

    Nordnorske Tungtvann er regnet for å være de første til å lykkes med rap på norsk.

    – Da vi begynte var det for å bevise at det gikk an. Vi følte at det meste vi hadde hørt av norsk rap ikke hørtes ut som hiphop, sier Nordeng.

    Arrangementet er i regi av Bodø2024.

    – Grunnen til at vi ønsker å gjøre det i Oslo, som den eneste produksjonen vi gjennomfører der, er at dette fenomenet funker på norsk takket være nordlendinger. Da gir det mening å ta det til hovedstaden, forteller programsjef Henrik Sand Dagfinrud

    Tungtvann opptrer på operaen 15. september
    Foto: Tarjei Krogh