Skavlan er ikkje skremd av dårlege sjåartal

Fredrik Skavlan er skuffa, men ikkje overraska, over dei dårlege sjåartala han har fått etter overgangen til TV 2. Samtidig trur han det kan vere bra for vidareutviklinga av programmet.

Fredrik Skavlan, Jimmie Åkesson og Louise Erixon

Den svenske politikaren Jimmie Åkesson og sambuaren Louise Erixon gjesta Fredrik Skavlan då han hadde premiere på TV 2 tidlegare i haust. Programmet samla 440.000 sjåarar. Sidan har sjåartala gått nedover for «Skavlan».

Foto: Monkberry/tv2 Johan Halsius / NTB scanpix

Etter 20 år som talkshow-vert på NRK, melde Fredrik Skavlan overgang til TV 2 i juni. Dei la meir pengar på bordet enn NRK. I tillegg kunne dei lokke med ei digital satsing i strøymetenesten TV 2 Sumo.

TV 2-premieren i haust samla 440.000 sjåarar. Det var 220.000 færre sjåarar enn det haustpremieren på NRK hadde året før. Etter det har sjåartala halde fram med å dale. Sist veke var det under 250.000 sjåarar som fekk med seg programmet på fredagskvelden.

I eit intervju i «Ukeslutt» vedgår Fredrik Skavlan at dei tok ein kalkulert risiko då dei takka ja til TV 2-tilbodet.

– Vi tok ein stor sjanse med den norske marknaden vår, men vi visste kva vi gjekk til. Men det er mange år sidan eg har hatt så dårlege sjåartal.

Var i ein luksussituasjon

Sjølv om dei visste tala ville gå ned på ein ny kanal, var fallet kanskje større enn det både redaksjonen og kanalen hadde sett føre seg.

– Både vi og TV 2 er skuffa over oppslutninga. Vi meiner vi lagar bra program. Denne hausten har vi hatt nokre intervju vi har vore veldig godt nøgde med. Samtidig er det mykje å velje mellom. Vi kan ikkje vente at folk alltid skal velje oss.

Skavlan trur nedturen kan vere bra for programmet på sikt.

– Eg meiner vi har godt av dette. Det er ein luksussituasjon å ha sendetida rett etter «Nytt på nytt» som gir deg mange sjåarar. Eg har fått vere med å nyte godt av det i mange år.

Nytt på nytt 2017 Pernille Sørensen, Bård Tufte Johansen og Johan Golden.

«Nytt på nytt» er det mest sette programmet i Noreg, og bidreg også til gode sjåartal for programmet som kjem etter. I mange år var det Fredrik Skavlan som kunne nyte godt av dette.

Foto: Anne Liv Ekroll, NRK

Fryktar ikkje å bli lagt ned

TV 2 har kjøpt rettane til «Skavlan» i fire sesongar, det vil seie i to år. Men i takt med fallande sjåartal, har enkelte spurt kor lenge TV 2 kan halde fram med programmet. Men programleiaren fryktar ikkje for framtida.

– Vi har ikkje problem med dei låge sjåartala. Vi lagar framleis det største talkshowet i Norden. Tala i Sverige er gode, og vi kan halde på lenge.

Det er Anne Lindmo som no avrundar «Gullrekka» på NRK 1 på fredagskvelden etter overgangen til «Skavlan». Ho har fått fleire sjåarar etter at programmet blei flytta frå laurdag til fredag. Men Fredrik Skavlan seier han ikkje ser på «Lindmo» som ein konkurrent.

– Eg opplever ikkje Anne som ein konkurrent. Ho har ein tydeleg norsk profil, det har ikkje vi. Og då er det på ein måte rett at ho er større i Noreg enn meg. Vi lagar eit smalare show.

Nora Mørk, her fra innspillingen av fredagens Lindmo

NRK har hatt suksess med å flytte «Lindmo» frå laurdag til fredag. Her er Nora Mørk gjest tidlegare i haust. Fredrik Skavlan seier han ikkje ser på Anne Lindmo som ein konkurrent. Han meiner «Lindmo» har ein norsk profil, medan «Skavlan» er meir internasjonalt retta.

Foto: Julia Marie Naglestad / NRK

Kulturstrøm

  • – Feil at navnet tråkkes på

    En bronseplate får muslimer i Stavanger til å reagere. Platen ble satt ned på Torget for sju år siden for å hedre Muhammad Yunus, ved siden av andre fredsprisvinnere som Dalai Lama og Desmund Tutu. Problemet er at Muhammed er også navnet på en islamsk profet.

  • Måtte nominere seg selv til pris

    Tre av stjernene i «Game of Thrones» måtte nominere seg selv til TV-bransjens Emmy Awards. HBO nominerte noen for beste birolle, men utelot blant annet Gwendoline Christie som spilte Brienne of Tarth (bildet), Alfie Allen som spilte Theon Greyjoy og Carice van Houten som spilte heksen Melisandre. De valgte å foreslå seg selv og står nå på den endelige listen over nominerte, skriver The Guardian.

    Gwendoline Christie aka Ser Brienne of Tarth i Game of Thrones
    Foto: Evan Agostini / Invision/AP/HBO
  • Økte inntektene med 7 millioner

    Selskapet til Sondre Justad økte årsinntektene fra 4,2 til 11,3 millioner i 2018. Det skriver Avisa Nordland. Selskapet til Justad heter '8360 Produksjoner.'

    Sondre Justad
    Foto: Helge Grønmo / Avisa Nordland